27 сен 2013 10:21Тоҷикистон / Иҷтимоӣ
Бобоназарова: “Наход картошкаи Рашт аз шикояти мо муҳимтар буд?”
Ойниҳол Бобоназарова, номзади ягона аз Иттиҳоди нерӯҳои ислоҳотхоҳи Тоҷикистон (ИНИТ), монеагузории мақомот, бахусус дахолати маъмурони пулис, ба ҷараёни ҷамъоварии имзоро амали тарҳрезишуда донист.
Ӯ, ки дар нишасти хабарии 27-уми сентябр дар қароргоҳи Ҳизби Наҳзати Исломӣ сӯҳбат мекард, аз боздошти даҳ ташаббускори ҷамъоварии имзо дар ноҳияи Фирдавсии пойтахт (26 сентябр) ёдоварӣ намуд. Хонум Бобоназарова гуфт, дар ҳоле ки раиси ноҳия муҳри дар варақаҳо гузоштаашро тасдиқ кардааст, маъмурони пулис онҳоро барои қалбакӣ будани он боздошт намудаанд.
Вай дар идома ҳолатҳои дигари нақзи ҳуқуқи ҷонибдоронаш аз сӯи пулисро номбар кард: “Як духтараки 19-сола ба назади мо омад. Бовар надоштам, ки ҷавонҳо ба назди мо омада кумак мекунанд. Инҳо барои ҷамъоварии имзо сафарбар шуда бдунад. Баъдан духтарак гуфт, дар назди Боғи ҳайвонот маъмурони милиса “сумка”-и ӯву ҳамроҳонашро кофта, варақа барои ҷамъовраии имзова инчунин сад сомонии онҳоро гирифтаанд. Алакай миёни як ҷавонро шикастанд.”
Абдулманнон Додоев, раҳбари Дастгоҳи Кумисюни марказии интихобот, ки дар ин нишасти хабарӣ ҳузур дошт, гуфт, ҳар коре аз дасташон меояд, барои номзадҳо хоҳанд кард. Вале ба қавли ӯ, “мушкили милисаҳо ба КМИР бор карда нашавад”.
Ин дар ҳолест, ки Ойниҳол Бобоназарова мегӯяд, ситоди интихоботии ӯ аз ҳама пештар ба ҷамъоварии имзо шурӯъ карда, вале ба монеагузориҳои бешумори мақомоти маҳаллӣ дар шаҳру навоҳии кишвар рӯбарӯ омад. Ин аст, ки ба гуфтаи ӯ, то кунун ба тарафдорияш 21 ҳазор имзо ҷамъоварӣ шудаасту халос. “Ман тарафдори хеле зиёд дорам. Фикр мекардам, сад дарсад имзои заруриро ба зудӣ ҷамъ мекунем. Вале даҳ рӯзи моро бо мушкили эҷодкардаашон гирифтанд. Ман ҳоло мисли пеш гуфта наметавонам, мо зуд имзоро ҷамъ мекунем, чунки вақти моро дуздиданд”,-афзуд Бобоназарова.
Ойниҳол Бобоназарова дар нишасти хабарияш ба барномаҳои телевизионҳои давлатӣ ва даъвати Мулло Ҳайдар барои ҳимяот аз Эмомалӣ Раҳмон низ дахл кард. Ӯ гуфт, суботи ҷомеа дар дигаргунист ва афзуд, "бо Ислом дигар тарсонидан имкон надорад. Ба назари ман, намояндаи ҳар як дин бояд зиндагии беҳтар дошта бошад дар инҷо. Чаро ҳемеша аз нақзи қонун аз тарафи узви ҲНИТ мегуянд. Магар намояндагони ҳизби ҳоким даст ба ҷиноят намезананд? Чаро чизе намегӯянд?" Хонум Бобоназарова ин ҳама мушкилоти дар рӯбарӯяшро ба “Протоколи 32-20” марбут донист, ки хулосаи як ҷаласаи ҳукумати Тоҷикистон дар мавриди мубориза бо мухолифон, бахусус ҲНИТ, буда, соли 2011 тавссути торнами “Звезда.ру” дастраси ҳамагон шуд.
Номзади ислоҳотхоҳон дар ин нишасти хабарияш аз бетаваҷҷӯҳии Кумисюни марказии интихобот ва шахсан Эмомалӣ Раҳмон, раисиҷумҳури Тоҷикистон, ба номаву шикоятҳояш низ шиква кард. Ӯ гуфт, “Эмомалӣ Раҳмон дар тамоми сафарҳояш ба Аврупо мегӯяд, интихобот шаффоф мешавад. Наход масъалаи картошкаи Рашт муҳимтар аз масъалаи шикояти интихоботии мо буд?” Ойниҳол Бобоназарова гуфт, бо вуҷуди ин ҳама аз идома мубориза даст намекашад ва то охир хоҳад рафт. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
