Русский  >>  فارسی  >>  Сешанбе 6 декабр 2016, 01:35

Додситонӣ ифшои сирри тафтишоти парвандаи Зайдро баррасӣ дорад

4 октябр 2013, 14:49

Додситонии кулли Тоҷикистон шикояти вакилони Зайд Саидов, соҳибкори боздоштшудаи тоҷикро дар мавриди ифшои сирри тафтишоти парвандаи зерҳимояашон ба баррасӣ гирифтааст.

Шӯҳрат Қудратов, яке аз се вакили мудофеи Зайд Саидов имрӯз,4-уми сентябр дар суҳбат ба «Озодагон» гуфт, Додситонии кул аризаашонро ба баррасӣ гирифтааст ва айни ҳол вакилон хулосаи онро интизоранд.

Қаблан се вакили мудофеи Зайд Саидов- соҳибкор ва раҳбари боздоштшудаи ташаббускорони ҳизби “Тоҷикистони нав” гузориши телевизониеро, ки дар бораи таҷовузи як духтари навраси рус аз сӯи нафари таҳти ҳимояташон ҳикоят мекард, ғайриқонунӣ донистанд.

Ин гузориш шоми 30-юми сентябр аз барномаи “Ахбор”-и телевизионҳои Тоҷикистон намоиш дода шуд, ки дар он Зайд Саидов ба таҷовузи духтари ноболиғ муттаҳам мешуд.

Шӯҳрат Қудратов, яке аз се вакили мудофеъ, гуфт, ин кори мақомот бидуни ризоияти вакилони мудофеи Зайд Саидов сурат гирифта, махфӣ будани парвандаи нафари таҳти ҳимояташонро зери суол бурдааст. Вай дар идома гуфт, “мо дар ҳайрат мондем, чун ин парванда мӯҳри махфӣ дорад ва аз мо дар бораи фош накардани сирри тафтишот забонхат гирифтаанд. Лекин онҳо худашон дар барномаи “Ахбор” сирри тафтишотро фош карданду парвандаи махфиро дар телевизион нишон доданд, ки мо аз ин амалӣ мақомот комилан розӣ нестем.”

Мусоҳиби мо мегӯяд, “агарчӣ дар асоси парвандаи нави таҷовуз ба номус алайҳи Зайд Саидов айб эълон нашудааст, аммо мақомот ӯро дар содир намудани ҷиноят гунаҳкор ҳисобиданд.”
Қудратов афзуд, ки мурофиаи навбатии парвандаи зерҳимояаш дар Додгоҳи Олӣ рӯзи душанбеи 7-уми октябр баргузор хоҳад шуд.
Зайд Саидов, соҳибкори муваффақ ва раҳбари гуруҳи ташаббускори таъсиси Ҳизби Тоҷикистони нав, нимаи дувуми моҳи майи соли ҷорӣ ҳангоми бозгашт аз Фаронса боздошт гардид. Мақомот ӯро дар бисёрзанӣ, ришват, қаллобӣ, тамаъҷӯӣ, сӯистифода аз мақом, таҷовуз ба номуси ду ноболиғ муттаҳам мешуморанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Муслим

  • 4 октябр 2013 18:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин чи бедодгарист
Посух додан
  • HP

  • 7 октябр 2013 19:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Barodaron vkilon az in pakhsheki TV 1 kard hej kas bovari nadora va hamai mardumi Tojikiston medonand ki in kori Hukumat az shuo taho iltijo va iltimos ki ba sudi Bainalmilai navised zero az shikoyat ba in suhoi Tojikiston foida nest zero onho Hukumatro gush meunand

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!