Русский  >>  فارسی  >>  Панҷшанбе 8 декабр 2016, 21:05

VIDEO: Бобои Файз дар бораи "Очата бугу", дӯстӣ бо президент ва рэп

4 октябр 2013, 17:18

Файзиддин Сулаймонов, маъруф ба Бобои Файз, ки чанд соли охир бо таронаи “Очата бугу” маъруф аст, ният дорад, таронаи наверо бо номи “Аммаи ман хушрӯай” ба бозор барорад. Ӯ гуфт, ҳоло 73-сола аст ва аз он ки дар пиронсолӣ мавриди таваҷҷуҳи раисиҷумҳуру сокинони одӣ қарор гирифтааст, хушҳол мебошад.

Аммо Бобои Файз хабари мулоқоти рӯбарӯяш бо раисиҷумҳури Тоҷикистон ва, ҳамин тавр, тақдими як манзили истиқоматӣ дар маркази Душанбе аз сӯи ӯро рад кард. Агарчӣ, ба гуфтаи вай, онҳо аз даврони ҷавонӣ дар Данғара бо ҳам ошноянд: “Дар он вақт ман дар театри Данғара ҳунарнамоӣ мекардам. Эмомалӣ Раҳмон, раисиҷумҳури Тоҷикистон, ба ҳайси раҳбари колхоз кор мекарданд ва маҳорати маро медиданду бо ҳамдигар рафиқ шудем. Маро ҳамчун директори лагери “Сайёд” интихоб карданд ва баъдан аз ҳамин ҷо ба нафақа баромадам.”



Мусоҳиби мо мегӯяд, дар чанд соли пеш ба зиёрати Хонаи Худо мушарраф шуда ва пеши худ мақсад гузошта буд, дигар таронасароӣ намекунад. Аммо ба қавли Бобои Файз, вақте бо раисиҷумҳур дар ифтитоҳи нақби “Шаршар” вохӯрд, тасмимашро сарфи назар кард: “Аз ман пурсиданд: суруд мехонӣ, ё не? Фикр кардам, сурудхонии ман ба ягон кас халалу зарар намерасонад. Баъдан таваҷҷуҳи саросарӣ дар кишвар маро дубора дар санъат зинда кард ва оҳиста-оҳиста роҳ ба сӯи телевизионҳо ҳам кушода шуд.”

Бобои Файз мегӯяд, дар хурдӣ аз падар маҳрум монда, зери дасти модар ва падарандар тарбия ёфтаааст. “Баъд маро ба хона-интернати Файзобод супориданд. Ман дар он ҷо дар маҳфилҳо сурудхонӣ карда мегаштам. Дар як озмун иштирок карда, пирӯз шудам ва ба мактаби мусиқии Душанбе омадам”,-нақл кард ӯ. Вай дар идома ба таърихи пайдошавии таронаи “Очата бугу” ҳам дахл кард ва гуфт, “дар ҷавониям ба як духтар дил бастам. Мо оила барпо карданӣ шудем, аммо модари он духтар розӣ нашуд. Маро дар кӯчаҳо медид, мегуфт, “духтарамро ба ту намедиҳам”. Дидам, ки модараш кори моро вайрон кард, ҳаҷви “Очата бугу”-ро эҷод кардам ва ин ҳаҷв ба халқи кишвар ва Эмомалӣ Раҳмон, раисиҷумҳури Тоҷикистон, писанд омад. Раисиҷумҳур баъдан ба Убайдулло Раҷабов гуфтанд, ки ин ҳаҷви “Очата бугу” матнаш ба шоирон пешниҳод карда шавад ва бо каме тағйирот бояд дуэт кунем.”

Файзиддин Сулаймонов гуфт, баъд аз он ки расиҷумҳур дар мазҳари ом таваҷҷуҳаш ба таронаи ӯро баён дошт, муносибати мардум ҳам ба ӯ тағйир кардааст: “Акнун мардум маро ба тӯю маъракаҳояшон зиётар даъват мекунанд, то ман ҳаҷве барояшон сароям.” Бобои Файз ба суоли он ки агар мабодо ӯро барои иҷрои як таронаи рэп даъват бикунанд, чӣ хоҳад гуфт, ҷавоб дод. “Рэп моли мо нест, агарчӣ ба ҷавонон хеле мақбул аст. Мусиқии мо Шашмақом аст”,- гуфт ӯ.

Бобои Файз мегӯяд, ҳарчанд таронаҳои ҳаҷвӣ месарояду дар пеши мардум ҳамеша лабонаш пурханда аст, вале ӯ ҳам мисли ҳазорон сокини дигар дарду андӯҳи худро дорад. Вай махсусан аз вазъи ҳамсараш ёдоварӣ крад, ки даҳ сол боз бемор будааст. “Вале бо ин ҳама ман ҳаргиз хаста намешавам ва талош мекунам, бештару бештар эҷод кунам”,-афзуд ӯ.


Шарҳи худро бинависед:

Ном:*
E-Mail:
Матни шарҳ:
Посух додан
  • Shams

  • 4 октябр 2013 19:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хочи ба Шумо намезебад. Пириву хартози. Худои худро зикр кун набошад дар киёмат чавобаш дахчанд аст.
Посух додан
  • Санъатшинос

  • 4 октябр 2013 20:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ингуна «хофизон» бо ин сабку услуби бемаъни, санъати бузурги точикро зери суол карор медиханд.
«Ма имшаб тра мехом» , « Очата бугу» , «Хап к бовар намекккккнм» , «Чабргади лабргади, лабргади лу» ин шуд санъати точик? Хайфи захматхои Одина Хошим, Зафар Нозим ва дигар устодони асил.
Посух додан
  • komik

  • 4 октябр 2013 21:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Boboi vauz vakti tavbavy nadomst rasidast.
Посух додан
  • кулоби

  • 4 октябр 2013 23:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
чанд соли пеш ба зиёрати Хонаи Худо мушарраф шуда ва пеши худ мақсад гузошта буд, дигар таронасароӣ намекунад. Аммо ба қавли Бобои Файз, вақте бо раисиҷумҳур дар ифтитоҳи нақби “Шаршар” вохӯрд, тасмимашро сарфи назар кард:
Барои призидент хафа нашава бгу туйгардиро сар кардам ??? Хатман хамрохат ягон ракоссаи дигара бигир дигар дар туе диринг диринг паро парро бубин.Вой бар холат хонаи худоро зиерат кардиву холо хам аз рохи гунох нагаштай.
Посух додан
  • бехабар

  • 5 октябр 2013 09:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Санъатшинос, Братан хохем -нахохем Зафару Одина ва хатто А.Зохир кухна шуда мераванд. Зафари рахматий як гапи хуб гуфта буд, ки "мо бо мухлисонамон якчоя пир мешавем" Бале, имруз чавонон озоданд ва дар сабки сабуки озодй таронаву рэпсаройи мекунанд.
Посух додан
  • Искуствовед

  • 5 октябр 2013 12:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин фолклор аст. Ҳар халқ фолклори худро дорад.
Бигзор бошад.
Ҳар кас ҷавоби худро дар гур худаш медиҳад ва Қозӣ танҳо яктост. Баъзе фанатикҳо ин ҷо мехоҳанд мисли толибҳо ба мо роҳи дурустро нишон диҳанд ва гӯё бо тавбаву надомат ҳатман биҳишт мерафта бошӣ.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагон Мо медонем ки хадафи шумо хама корро чаппа карда мукобили Чаноби Оли навиштан аст Бас будагист аз дастовардхо хам ягон-ягон нависед
Посух додан
  • Daler

  • 5 октябр 2013 17:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
In yagonxel san'at yo folklor nest. In yak beaqli ast. Har insone ki inro qabul dorad ixtiyorash . Har kas ta'bu zavq dorad . Man inro sharmandagi mehisobam.
Посух додан
  • Фаррух

  • 5 октябр 2013 21:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
саид,
Саидбой дастовардхо факат дар руи варак бошанд ин бечора рузноманигорхо чиро нависанд? wink
Посух додан
  • А

  • 6 октябр 2013 09:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бобои акалан таронахои бомаьни аз эчодийоти шоирони бузурги мо хон агар дилат завк дошта бошад.хофизи дар ислом маьн нест агар сурудхои хуб хони
Посух додан
  • 777

  • 7 октябр 2013 10:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Троонахои БОбои Файз инъикоси санъати точик.... Куллаи баланди завки мо... Маданаияти мо.. Чахонбинии мо... Таърихи натарин.... Савол ин аст,ки баъд аз 15 20 сол ба ин таронахо (ганчинаи санъат)бо кадом нуктаи назар менигаранд.... Ба хар хол бозёфти Президенти кишвар хеле хуб аст... Ханда умри шахсро дароз мекунад,аллбатта.... Лекин бисёрихо мегиряд...
Шояд аз хад зиёд сахтгирем...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
молодец бобойи Файз давом дех кори худро инхоро гуш накунед
Посух додан
  • а

  • 9 октябр 2013 09:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бобои Файзда гав нестай. Бовари дорум лубой конкурси байналхалки бариш чои якума мегира.
Посух додан
  • крумбов

  • 28 январ 2014 15:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
о намоз хон

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!