Русский  >>  فارسی  >>  Панҷшанбе 8 декабр 2016, 12:50

Наришкин: Ба тоҷикон иҷозати 3-солаи кор дар Русия дода мешавад

7 октябр 2013, 13:24

Сергей Наришкин, раиси парлумони Русия, ки бо як сафари корӣ дар Душанбе қарор дорад, рӯзи 7-уми октябр зимни як мулоқот дар Донишгоҳи славянии Русия ва Тоҷикистон гуфт, барои тоҷикистониён дар Русия ҳаққи сесолаи кор пешниҳод хоҳад шуд.

Наришкин, ки ба Душанбе бо ҳамроҳии Константин Ромодановский, сардори Хадамоти федералии муҳоҷирати Русия (ФМС), омадааст, афзуд, айни ҳол гуфтушунид дар мавриди иҷозаи сесолаи кор миёни ниҳодҳои муҳоҷирати Тоҷикистону Русия идома дорад.

Гуфтугузор дар мавриди иҷозаи сесолаи кор барои тоҷикон дар Русия ҳанӯз тирамоҳи соли гузашта, дар пайи сафари Владимир Путин, раисиҷумҳури Русия ба Душанбе садо дода буд, аммо то ҳол муаллақ мондааст. Ахиран Шукурҷон Зуҳуров, раиси палатаи поёнии парлумони Тоҷикистон, зимни тасвиби созишнома дар бораи тартиби будубоши тоҷикон дар Русия аз Сафиаллоҳ Девонаев, сардори хадамоти муҳоҷирати кишвар хост, ки аз сафари феълии Ромодановский дар Душанбе истифода карда, масъалаи иҷозаи сесолаи корро ҳал кунад.

Наришкин инчунин зимни сафараш дар Душанбе бо Шукурҷон Зуҳуров ва раиси Маҷлиси Миллӣ Маҳмадсаид Убайдуллоев мулоқот намуда, дар назар аст, баъди зуҳри имрӯз бо Эмомалӣ Раҳмон, раисиҷумҳури Тоҷикистон мулоқот карда, аз пойгоҳи 201-и Русия низ дидан кунад.


Шарҳи худро бинависед:

Ном:*
E-Mail:
Матни шарҳ:
Посух додан
  • сабзина

  • 8 октябр 2013 11:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бузак бузак намурад бахор меояд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!