Русский  >>  فارسی  >>  Сешанбе 6 декабр 2016, 01:39

Сафири тоҷик дар меҳмонии хонаводаи Муҳаммад Иқбол

9 октябр 2013, 19:00

Шералӣ Ҷононов, сафири Тоҷикистон дар Покистон, ба зиёрати хонаводаи Муҳаммад Иқболи Лоҳурӣ -- шоир ва муттафакири бузурги Шарқ рафтааст. Ба иттилои дафтари матбуоти Вазорати умури хориҷии Тоҷикистон, Ҷононов рӯзи 6-уми окятбр ҳангоми боздид аз шаҳри Лоҳур бо пайвандони Муҳаммад Иқбол, ба хусус фарзанди ӯ доктор Ҷовид Иқбол, мулоқот кардааст.

Сафири тоҷик дар ин вохӯрӣ бо Ҷовид Иқбол ба ӯ як чанд китобҳои тозанашри падараш, аз ҷумла «Куллиёти форсии Иқбол», «Ҷовиднома» ва яке аз асарҳои бузурги фалсафӣ-фиқҳии вай - «Эҳёи фикри динӣ дар ислом», ки бо дастури Эмомалӣ Раҳмон, раисиҷумҳури Тоҷикистон, дар Душанбе ба нашр расида буд, туҳфа кардааст.

Муҳаммад Иқболи Лоҳурӣ аз зумраи шоирони раддаи аввали адабиёти охири қарни 19 ва оғози қарни 20 аст, ки бо истеъдоди фитрӣ ва эъҷози сухани хеш шеъри Аҷамро нафаси тоза бахшидааст. Ӯ забони форсии дариро дар сарзамини Ҳинду Покистон аз сари нав зинда гардонида ва ба мусалмонон ва умуман ба мардуми ситамдидаи ҷаҳон паёми озодиро расонид. Иқбол ба василаи ин корномаи бузург номи хешро дар ҷаридаи олам ҷовидон сабт намуд.

Шералӣ Ҷононов, сафири Тоҷикистон дар Исломобод, охирҳои ҳафтаи гузашта дар доираи як сафари расмӣ озими шаҳри Лоҳури Покистон шуда буд. Ӯ дар ҷараёни ин сафараш аз Донишгоҳи Панҷоб боздид ва бо ректори он доктор Комрон мулоқотеро анҷом додааст. Дар ин вохӯрӣ ҷонибҳо масоили рушди ҳамкориҳо байни мактабҳои олии ду кишварро муҳокима намудаанд. Донишгоҳи мазкур яке аз макотиби бузург дар ин кишвар буда, соли 1882 таъсис ёфтааст.


Шарҳи худро бинависед:

Ном:*
E-Mail:
Матни шарҳ:
Посух додан
  • benom

  • 10 октябр 2013 10:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар сурат сафири Тоҷикистон кадомаш бошад?
Миёна будаги ми ё дасти чап будаги
Посух додан
  • нозанин

  • 10 октябр 2013 14:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
миёна будаги
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба нозвнин: хахахааааа

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!