10 окт 2013 10:58Тоҷикистон / Ҷавонон ва варзиш

Варзишгарони тоҷик аз ҳисоби Белгия дар Бозиҳои параолимпии Аврупо-2014 ширкат мекунанд

Ҳукумати Белгия тамоми хараҷоти марбут ба ширкати тими Тоҷикистон дар Бозиҳои тобистонаи олимпии Аврупо барои одамони имконияташон маҳдудро бар ӯҳда мегирад. Дар ин бора вазири умури хориҷии ин кишвар хабар додаст.

Диде Рейндерс ин ҳарфҳоро дар ҷаласае дар Брюсел дар ҳузури Рустамҷон Солиев, сафири Тоҷикистон дар Белгия, изҳор доштааст.

“Ҳадаф аз баргузории ҷаласа баррасии ҷанбаҳои ташкилии олимпиадаи Аврупо-2014 барои одамони имконияташон маҳдуд будааст. Зикр шудааст, ки дар сабқатҳо аз рӯи 10 намуди қувваозмоӣ намояндаҳои 58 кишвари ҷаҳон ширкат меварзанд”,- навиштааст ca-news.

Дар ин ҷаласа гуфта шудааст, ки “ҳайати тими Тоҷикистон аз 15 варзишгар иборат буда ва тамоми хароҷоти онҳоро ҷиҳати ширкат дар мусобиқа Белгия бар ӯҳда мегирад”.

Сафири Тоҷикистон барои даъват ва дастгирӣ ба Диде Рейндерс, вазири умури хориҷии Белгия ва раҳбарияти кумитаи тадорукоти Бозиҳои параолимпӣ изҳори сипос кардааст.

Бозиҳои тобистонаи параолимпии Аврупо-2014 аз 9 то 20-уми сентябри соли 2014 дар Антверпени Белгия баргузор мешавад.

Мӯҳр

Хабарҳои монанд:

Хамин хукумат аз хамин корхояш магар шарм намедорад? Рости гап ман аз он ки Точикистонро дар арсаи байналхалки хамчун як давлати гадо мешиносанд хеле шарм медорам.

Ҷавоб диҳед Иқтибос Шикоят

Точик

Давлате ки тавони фиристодани варзишкоронаш ба ингуна мусоибкотро надорад, давлат нест, агар як касри хеуш табори калонхоро фурушанд чанд то ин хели гурух рафта ширкат карда меояд. Шарм доред точикро бо ин дарачаи гуломи расонед, боз мехохед хафт соли дигар президент бошед.

Ҷавоб диҳед Иқтибос Шикоят

Эзоҳ илова кунед