Русский  >>  فارسی  >>  Ҷумъа 9 декабр 2016, 16:29

Журналист баъд аз ду моҳи лату кӯб даргузашт

14 октябр 2013, 15:04

Игор Ларра, хабарнигори 42-солаи нашрияи мустақили “Свобода Слова” ё «Озодии баён»-т Қазоқистон, ки моҳи августи соли равон аз сӯи афроди ношинос мавриди ҳамла қарор гирифт, даргузаштааст.

Ба қавли наздикон Игор шоми якшанбе дар шӯъбаи эҳёгарии беморхонаи ёрии таъҷилӣ ки ду ҳафта қабл бистарӣ шуда буд, ҷон ба ҷонофарин супурдааст.

Игор Ларра моҳи август аз суи афроди номаълум мавриди ҳамла қарор гирифт. Пулис ин ҳамларо ба фаъолияти хабарнигории ӯ марбут надонист, аммо худи Ларра гуфта буд, шояд барои гузоришҳои танқидӣ дар бораи волии минтақаи Оқтеппа шояд лату куб шудааст.

Баъди чанд рӯзи ин ҳодиса пулис аз боздошти як гумонбар хабар дод. “Боздоштшуда 27-сол дошта, қаблан низ барои амали мушобеҳ аз озодӣ маҳрум шудааст. Ӯ гуфта, ки шаби 21-уми август ҳамроҳ бо чор ошнояш пиво менушид. Дар ҳамин вақт як марди тақрибан 40-сола аз бинои бисёрқабатае берун мешавад ва ӯ пешниҳод мекунад, ки вайро ғорат намоянд. Баъдан гумонбарон ӯро лату куб намуда, ҷайбҳояшро мекобанд”,-гуфта буд Раёсати умури дохилии шаҳри Актоб.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!