Русский  >>  فارسی  >>  Шанбе 3 декабр 2016, 00:47

Бозгашти ҳоҷиёни тоҷик аз Макка ба Ватан 19 октябр оғоз меёбад

18 октябр 2013, 12:41

Ширкати ҳавопаймоии “Тоҷик Эйр” рӯзи шанбеи 19 октябр ба овардани як гуруҳи ҳоҷиёни тоҷик аз Арабистони Саудӣ ба Тоҷикистон оғоз мекунад.

Дар ин бора Лола Кенҷаева, масъули дафтари матбуоти “Тоҷик Эйр”, ба “Озодагон” хабар дода ва гуфт, “дар ин рӯз тавассути ҳавопаймои “Боинг 757-200” 210 ҳоҷии тоҷик соати 23:20 ба вақти маҳаллӣ ба Душанбе меоянд.”

Хонум Кенҷаева афзуд, ширкати “Тоҷик Эйр” то 4 ноябр аз шаҳрҳои Ҷидда ва Мадина, дар маҷмӯъ, 2 ҳазору 700 ҳоҷиро ба Тоҷикистон бармегардонад, ки ҳудуди 40 дарсади теъдоди умумии зоиронро ташкил медиҳад. Зоирони боқимондаи тоҷикро ширкати ҳавопаймоии “Сомон Эйр” ба Ватан меовардааст.
Имсол барои зиёрати Хонаи Худо аз Тоҷикистон 6 ҳазору 300 нафар ба Маккаву Мадина рафтанд. Аз ин теъдод ду ҳоҷии тоҷик, яке аз беморӣ ва дигаре дар пайи садама дар Макка ҷони худро аз даст дода, дар Шароеъ ба хок супурда шуданд.

Ҳаҷ аз ҷумлаи аркони панҷгонаи дини мубини Ислом аст, ки барои ҳар мусалмони ба балоғатрасида ва тавоно фарз мебошад. Ҳамасола аз Тоҷикистон ҳудуди шаш ҳазор барои зиёрати Хонаи Худо ба Макка мераванд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!