Русский  >>  فارسی  >>  Сешанбе 6 декабр 2016, 22:58

“Равшан” пешсафияшро дар мусобиқоти қаҳрамонии Тоҷикистон нигоҳ дошт

21 октябр 2013, 12:18

Бозиҳои даври 17-уми мусобиқоти қаҳрамонии футболи Тоҷикистон миёни тимҳои Лигаи Олӣ баргузор гардиданд.

Рӯзи 20-уми октябр, тими “Равшан”-и Кӯлоб дар меҳмонӣ бо дастаи “Хуҷанд”-и Хуҷанд ба сабқат баромада, бозиро мусовӣ- 1:1 анҷом дод. Валерий Андроник, бозигари дастаи мизбон дар дақиқаи 34 – ум тӯбро ба дарвозаи меҳмонон ворид намуда, ҳисобро боз кард. Нимаи аввали дидор бо ҳисоби 1:0 ба нафъи мизбонон анҷом ёфт. Голи меҳмононро Ҳасан Рустамов, бозигари меҳмонон, дар дақиқаи 55-ум аз ҷаримаи 11- метра ба хадаф расонд. Сардовари бозӣ Раҳмон Муртазоев ба бозигари тими “Хуҷанд” Бенҷамин Аманкуву корти сурх нишон дод.

Дар бозии дигар тими ССКА “Помир”-и Душанбе дар майдони худ бо дастаи “Вахш”-и Қӯрғонтеппа ба сабқат баромада, бо ҳисоби 1-0 пирӯз шуд. Голи ягонаи дидорро дар Ҷеймс Аддӣ дар дақиқаи 60-ум ба ҳадаф расонид.

Ёдовар мешавем, ки ду бозии дигари ин давр рӯзи 19-уми октябр баргузор гардид. Дастаи “Истиқлол”-и Душанбе дар меҳмонӣ бар тими “Регар-ТадАЗ”-и Турсунзода бо ҳисоби 2-0 пирӯз шуд. Голҳоро Ҳусейни Сӯҳробӣ, легионери эронии “Истиқлол”, дар дақиқаҳои 29-ум ва 63-юми дидор ба ҳадаф расонид.

Дар бозии дигар дастаи “Энергетик”-и Душанбе дар майдони худ бо тими “Хайр”-и Ваҳдат қувваозмоӣ намуда, бо ҳисоби 0:1 шикаст хӯрд. Голи ягонаро дар дақиқаи 77-ум Саид Ломеирамандӣ, легионери эронии “Хайр” зад.

Ҳаминтариқ ҳоло дар ҷадвали мусобиқот тими “Равшан”-и Кӯлоб бо 34 имтиёз дар садри ҷадвал нишастааст. Дастаи “Истиқлол”-и Душанбе бо 33 имтиёз мақоми дуюмро касб кардааст. “Хайр”-и Ваҳдат бо 26 имтиёз дар зинаи сеюм аст.
Нишонзанҳои беҳтарини мусобиқот инҳоянд: Ҳусейни Сӯҳробӣ (”Истиқлол”) - 11 тӯб, Дилшод Восиев (“Истиқлол”) - 7 тӯб, Ҷаҳонгир Эргашев (“Истиқлол”), Александр Кудряшов (“Истиқлол”) ва Мирзобек Мирзоев (“Хайр”) - 5-тӯбӣ.


Шарҳи худро бинависед:

Ном:*
E-Mail:
Матни шарҳ:
Посух додан
  • Мухлис

  • 21 октябр 2013 23:27
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар номардхо ягон дасиса накунад РАВШАНЧОН албата чемпион мешавад!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!