Русский  >>  فارسی  >>  Душанбе 5 декабр 2016, 17:34

Талаби 8,5 соли зиндон ва таъхири эълони ҳукми "муллои ҷодугар"

23 октябр 2013, 14:08

Айбдоркунандаи давлатӣ имрӯз, 23-юми октябр, дар мурофиаи додгоҳӣ барои Асадулло Иброҳимов, як рӯҳонии тоҷик, ки давоми як моҳи охир бо номи “муллои ҷодугар” маъруф аст, 8 солу 6 моҳи зиндон талаб кардааст.

Асадулло Иброҳимов дар зӯроварии хусусияти шаҳвонидошта ва фиреби духтарон, ки гӯиё тавассути дуохонӣ соҳиби фарзанду шавҳар мегарданд, муттаҳам мешавад ва дар мурофиаи гузашта айби худро қисман эътироф намуд.

Исмоил Давлатов, додраси додгоҳи ноҳияи Синои шаҳри Душанбе, раисикунандаи мурофиаи Иброҳимов ба “Озодагон” гуфт, айбдоршаванда худро қисман айбдор донист. Иброҳимов гуфтааст, он наворе, ки ахиран дар расонаҳо пахш гардидааст, он хонум ӯро маҷбур кардааст, ки ба амалҳои шаҳвонӣ даст занад. Додраси парванда гуфт, дар мурофиа ба сифати ҷабрдида як зан ва се шоҳид иштирок доштанд.

Айни ҳол дар додгоҳии ноҳияи Синои Душанбе, эълони ҳукм нисбати Иброҳимовро ба таъхир гузошта муайян намуд, ки он фардо, 24-уми октябр эълон мешавад.

Мурофиаи додгоҳии ин рӯҳонӣ, ки тайи як моҳи охир бо номи “муллои ҷодугар” маъруф аст, рӯзи 18 октябр дар додгоҳи Синои шаҳри Душанбе оғоз ёфта, паси дарҳои баста ҷараён дорад. Масъулони додгоҳи Сино дар суҳбат бо “Озодагон” паси дарҳои баста сурат гирифтани ин парвандаро ба он рабт доданд, ки гӯиё ҷабрдида намехостааст, ном ва симояш ошкор шавад. Ҳатто маъмурони пулис, ки дар саҳни ҳавлии Додгоҳи ноҳияи Сино буданд, нагузоштанд, хабарнигорон худи Асадулло Иброҳимовро низ аксбардорӣ кунанд.

Парвандаи ӯ аслан аз рӯи наворе таҳия шуда, ки Асадулло Иброҳимов дар он бо зане амалҳои шаҳвонӣ анҷом медиҳад. Ин навор қаблан тариқи телевизионҳои давлатӣ ба намоиш баромад ва дар як вақт ба шабакаи ҷаҳонии Ютюб ҳам роҳ ёфт, ки то ҳоло аз ҷумлаи сербинандатарин наворҳои тоҷикист. Аммо наздикони Асадулло Иброҳимов, ӯро бегуноҳ медонанд ва баръакс худи он хонумонро муттаҳам медонанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагон аз шумо эхтиромона хохиш мекунам у бадбахта бо хамун номеки дар матбуот ва шабакахои интернети мешиносанд (мулои чодуга) аслан у муло не у чодугар
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Гунохи Асадулло дар он аст,ки у навси худро натавонист ба даст гирад,ва бо рохи осон худро ба чанголи ,шахсоне,ки зиди Дини Исломанд дар Чумхури мо инхо коркунони Хукумати мебошанд.(ба чи хотир онхо зиди Дини Исломанд коркунони Хукумати)?Барои он,ки ин наворо дар сомонаи Ютуб чой намедоданд,чун дар тамоми Олам шану ,шарафи як Асадулло намерезад,балки шану шарафи Милати Точики Мусулмон мерезад. Дар Ютуб наворе се-чор мох пеш, пахш шуда буд бо номи-истиние Таджики кто они. Сарояндаи туй гард,ки бо номи Хайриддини Бозор малум аст дар тамоми Чумхури,дар як туй дар назди кудакону,пиронсолон бо ракосахои фоишааш туйро ба майдони фоишагари табдил дода буд.Холо,ки ин хофизи дайду дар шабакахои телвизиони Чумхури баромадхам мекард.Коркунони Хизби Хукук шумо ,агар зиди Ислом мубориза намебурдед ин хофизи дайдуро ба Суд месупоридед. Чаро дар ингуна конуншиканихо шумо ба куру,кар мубадал мешавед? Намегуем,ки Асаддуло гунох надорад.Гунохи у набояд аз шаш ё як сол зиёд бошад.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!