01 ноя 2013 12:07Тоҷикистон / Рӯ ба рӯ

Хабарнигори “Озодагон”, баҳси сигор ва автобуси “облава” (ВИДЕО)

Рустами МАҶИД

Субҳи 1 ноябр аз назди Донишгоҳи тоҷикию русӣ, маъруф ба "Славянский", гузашта, сигоркашон ба ҷои кор мерафтам. Ба наздам як пулис омада, худро шинос карду гуфт, дар кӯча ва ҷои ҷамъиятӣ сигор кашидан мумкин нест.

Қаблан дар хусуси Кодекси қонунвайронкунии маъмурии Тоҷикистон ва муборизаи худ бо кормандони пулис борҳо навишта будам. Бояд гӯям, то ҳол 15 бор бо сабаби сигоркашӣ дар кӯча маро ба шӯъбаи пулис бурдаанд ва боре ҳам гунаҳкор будани ман аз рӯи Кодекси номбурда исбот нашуд. Аммо ин дафъа ҳолат дигар буд: ин пулис аз ман хост, бо “калонашон” гап занам ва ҳамроҳи се ҷавон ба сӯи микроавтобуси сафеди тамғаи "Мерседес" (рақами қайди давлатиаш 4822) бурданд. Онҷо алакай 2-3 ҷавон нишаста буданд, ки яке аз онҳо доим мегуфт, ба дарс дер мекунад ва хоҳиш мекард озодаш намоянд.

Ҳеч як аз дохили микроавтобус будагон худро муаррифӣ накард ва ҳатто пас аз талаби ман, ҳамон "пулис" бо дуруштӣ ҷавоб дод, ки онҳо метавонанд ба касе худро муаррифӣ накунанд. Дар микроавтобус "допрос" сар шуд: кистӣ, аз куҷоӣ, чӣ кор мекунӣ ва ғайра. Ҳамин, ки гуфтам рӯзноманигорам, "шасташон" паст шуд ва корманди пулис берун рафт.

"Калон" ба такрор мегуфт, дар кӯча сигор кашидан мумкин нест ва ман бояд ҷазо гирам. Ҳайронам, чаро ин суханонро на дар шӯъбаи пулис, балки дар микроавтобус ва на як пулис мегуфт. Аммо ин дигар муҳим набуд, чун сухан алакай сари хидмати ҳарбӣ рафт ва рӯирост гуфтанд маро мехоҳанд ба сафи артиш баранд.

Ҳуҷҷат пурсиданд. "Пулис" баргашта гуфт, барои бо худ гирифтани дастгоҳи аксбардорӣ бояд иҷозатнома дошта бошам.
Вақте гап сари вайрон шудани қонунгузорӣ аз ҷониби ман рафт, ҷиноёти худашонро ба рӯяшон кашидам: аввал, чунин амал талаботи қонунгузории ҷумҳурӣ оид ба даъвати ҳарбиро вайрон мекунад. Дуюм, ин одамрабоии рӯирост аст: касе худро шинос намекунад, ба ҷои номаълум бурданианд ва на ман ва ягон нафар аз наздиконам хабар надоранд.

Шояд оромии ман ва боварии комил ба суханонам бошад, ки "калон" бар хилофи интизорам, бо оромӣ суҳбат мекард. Пас аз баҳс атрофи қонунвайронкуниҳои эшон, маро раҳо карданд, аммо то 50 метр, 6-8 қадам дуртар як нафар аз пасам мерафт ва афсӯс, натавонистам аз ин амал акс гирам.

Посухи роҳгузарон дар хиёбонҳои Душанбе ба суоли "Розиед, ҷавононро маҷбурӣ ба сафи Артиш баранд?"

Мӯҳр

Хабарҳои монанд:

Илтимос аз ягон шахсони босаводтар интервью гиред.

Ҷавоб диҳед Иқтибос Шикоят

Нидои таассуф

Кош хамаи кабагалбачахо мисли ин бародар журналист мешуданд, то ки "облава" онхоро сайд намекард. Хайфи 5 соли умрам, ки дар як донишгохи оли сарф карда, то хол чои кор пайдо карда наметавонам, бар замми ин аз "облава" дар "побег" хастам. Кош факултаи журналистка мехондам.Афсус да, афсус))))

Ҷавоб диҳед Иқтибос Шикоят

Ман.

Гуфти хамун гарибшо,ки часуру далер неву чумо шудаем. Хамаш ин паказуха аст.

Ҷавоб диҳед Иқтибос Шикоят

Эзоҳ илова кунед