Русский  >>  فارسی  >>  Якшанбе 11 декабр 2016, 16:54

ВКД гуфт, писари Кабиров дар сари фармони мошин набуд

5 ноябр 2013, 09:53

Вазорати умури дохилии Тоҷикистон мегӯяд, дар садамаи шоми 3-юми ноябр, ки се кушта бар ҷой гузошт, сари фараони мошин Парвиз Кабиров, писари Мизроб Кабиров, раҳбари дастгоҳи Маҷлиси Миллии Тоҷикистон набудааст.

Тавре Вазорати корҳои дохилӣ иттилоъ дод, дар ин садама, ки тахминан соати 23:00-дақиқа рух додааст, ронандаи автомашинаи тамғаи «Мерседес-Бенс», рақами қайди давлатиаш 45-45 РТ, Раҳматҷонов Фарҳодҷони 28-сола, сокини шаҳри Душанбе будааст, ки ҳангоми ҳаракат дар кӯчаи Н.Қарабоеви пойтахт, аз уҳдаи идораи воситаи нақлиёт набаромада, ба дарахти канори роҳ бархӯрдааст.

Дар натиҷа худи ронанда ва мусофиронаш Ёров Тақдири 28-сола ва Кабиров Парвизи 32-сола, сокинони шаҳри Душанбе, дар ҷои ҳодиса ба ҳалокат расидаанд.

Парвиз Кабиров, фарзанди раиси дастгоҳи Маҷлиси Миллӣ, фориғуттаҳсили яке аз донишгоҳҳои Чин буда, дар Вазорати умури хориҷии Тоҷикистон, шӯъбаи консулӣ, кор мекард.

Худи Мизроб Кабиров се соли пеш ба мақоми раиси дастгоҳи Маҷлиси Миллӣ интихоб шуд. Вай дар гузашта ба ҳайси муовини раҳбари Кумисюни марказии интихобот ва раъйпурсии Тоҷикистон кор кардааст.


Шарҳи худро бинависед:

Ном:*
E-Mail:
Матни шарҳ:
Посух додан
  • hisor

  • 5 ноябр 2013 12:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
muhidin kabiriram pisarash soli guzashta sari farmoni moshin nabud?
Посух додан
  • Саид

  • 5 ноябр 2013 14:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд рахматаш кунад..
Писари хуб буд..
Ба волидайнаш сабри чамил хохонем.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!