Русский  >>  فارسی  >>  Шанбе 3 декабр 2016, 11:43

Украина мехоҳад мизбони Олимпиадаи зимистона бошад... Дар соли 2022

15 ноябр 2013, 15:15

Украина барои мизбони Бозиҳои олимпии зимистона шудани шаҳри Лвов дар соли 2022 дархост фиристодааст. Дар ин бора “Интерфакс” аз қавли Александр Вилкул, ноибпрезиденти ин кишвар хабар медиҳад.

Украина гуфтааст, омодааст барои баргузории ин олимпиада 22-25 миллиард гривен, муодили 2,7-3 миллиард доллар масраф кунад. 70 дар сади ин маболиғ аз ҳисоби буҷа ихтисос меёбад. Гуфта мешавад, 30 фисади дигарро соҳибкорони инфиродӣ хоҳанд пардохт.

14 ноябр муҳлати пешниҳоди дархост барои мизбони Бозиҳои олимпии соли 2022 ба анҷом расид. Имрӯз Кумитаи байналмилалии олимпӣ (КБО) расман номгӯи шаҳрҳоеро, ки барои баргузории ин мусобиқот талош мекунанд, нашр хоҳад кард.

Қаблан, барои мизбонии Олимпиада-2022 шаҳрҳои Алмаато, Стокголм, Осло, Пекин, Ҷантсзякоу, Краков ва Ясна дархост фиристода буданд.

Макони баргузории Олимпиадаи зимистона 31 июли соли 2015 маълум мешавад. Аммо наздиктарин Бозиҳои зимистонаи олимпӣ соли оянда дар Сочи мегузарад. Соли 2018 Пхенчхани Корея мизбони Олимпиада хоҳад буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!