Русский  >>  فارسی  >>  Ҷумъа 9 декабр 2016, 04:54

Қавли фармондеҳи нави Горди Миллӣ ба Эмомалӣ Раҳмон

20 ноябр 2013, 14:18

Эмомалӣ Раҳмон, раисиҷумҳури Тоҷикистон, имрӯз, 20-уми ноябр бо судури як фармон, полковник Бобоҷон Ҷамолзодаро, фармондеҳи Горди миллии Ҷумҳурии Тоҷикистон таъйин намуд.

Тибқи иттилои хадамоти матбуоти раисиҷумҳур Ҷамолзода дар ин мақом генерал-лейтенант Раҷабалӣ Раҳмоналиро, ки бо фармони дигари президент муовини аввали раиси Кумитаи давлатии амнияти миллӣ, сардори Сарраёсати Қӯшунҳои сарҳадӣ таъйин шуд, иваз намуд.

Ба иттилои манбаъ Эмомалӣ Раҳмон зимни муаррифии фармондеҳи нави Горди миллӣ саҳми Раҷабалӣ Раҳмоналиро дар таъмини суботу оромӣ ва ҳифзи кишвару халқи Тоҷикистон назаррас арзёбӣ намуда, гуфт, ки ӯ тайи солҳои роҳбариаш , аз 2004 то 2013-ум ба халқу Ватан содиқона хизмат намуд ва вазифаҳои бар дӯш гузоштаашро сарбаландона адо намуд.

Эмомалӣ Раҳмон ба фармондеҳи нави Горди миллӣ таъкид намуд, ки фаъолияти ибратбахши Раҳмоналӣ бояд барояш намуна бошад: “Бобоҷон Ҷамолзода ба Эмомалӣ Раҳмон қавл дод, ки содиқона ба халқу Ватан дар якҷоягӣ бо ҳайати шахсии Горди миллӣ хизмат мекунанд.”

Ҷамолзода соли 1976 таваллуд шуда, қабл аз таъйин шудан ба ин вазифа ба ҳайси командири бригадаи Горди миллӣ фаъолият намудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • tojik

  • 20 ноябр 2013 22:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
bobojon jamolzodaro biografiyai korisha navised.az sherali mirzoro navisted inasham navised iltimos ozodagonchik.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!