Русский  >>  فارسی  >>  Душанбе 5 декабр 2016, 21:37

Шаҳрвандони Туркманистон дар Душанбе вакил интихоб мекунанд

22 ноябр 2013, 15:24

Дар ҷаласаи Комиссияи марказии интихобот ва раъйпурсии Туркманистон, ки ба омодагӣ ба интихоботи маҷлис ё парлумони ин кишвар ихтисос ёфт, маълумот дар мавриди натиҷаҳои пешниҳод ва сабти номзадҳо баррасӣ шуд.

Ба омори расмӣ 283 номзад расман сабти ном шудаанд. 99 тан аз Ҳизби демократӣ, 21 кас аз Ҳизби саноатчиён ва соҳибкорон, 89 номзад аз Иттиҳодияи итифоқҳои касаба, 37 кас аз Иттифоқи занҳо, 22 нафар аз созмони ба номи Махтумқулӣ, ҳамчунин 15 номзад аз гуруҳи шаҳрвандон.

“Рӯйхати номзадҳо, маълумоти иловагӣ дар мавриди онҳо бо иловаи тарҷумаи ҳолашон рӯзҳои наздик дар матбуот нашр мешавад. Бо анҷом ёфтани сабти ном маросими таблиғи номзадҳо оғоз мешавад.”,-гуфтааст КМИРТ.

Гуфта шудааст, ки ҷараёни интихоботи парлумониро нозирони миллӣ, нозирон аз САҲА ва ИДМ назорат мекунанд.

Дар рӯзи интихобот, 15 декабри соли равон тавассути намояндагии дипломатии Туркманистон дар хориҷи кишвар ҳавзаҳои интихоботӣ таъсис дода мешавад. Ба иттилои КМИР дар ин рӯз дар шаҳрҳои Ню-Йорк, Вашингтон (ИМА), Женева (Швейтсария), Пекин (Чин), Маскав, Астрахан (Русия), Эр-Риёд (Арабистони Саудӣ), Абу-Даби (АМА), Париж (Фаронса), Лондон (Бритониёи Кабир), Берлин, Франкфурт (Олмон), Деҳлии Нав (Ҳиндустон), Вена (Австрия), Брюссел (Белгия), Анқара, Истанбул (Туркия), Теҳрон, Машҳад (Эрон), Исломобод (Покистон), Бухарест (Руминия), Киев (Украина), Минск (Белорус), Кобул, Ҳирот, Мазори Шариф (Афғонистон), Остона (Қазоқистон), Боку (Озорбойҷон), Душанбе (Тоҷикистон), Ереван (Арманистон), Тошкент (Узбакистон), Куала-Лумпур (Малайзия), Токио (Ҷопон) шаҳрвандони Туркманистон имкони овоздиҳиро доранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!