Русский  >>  فارسی  >>  Панҷшанбе 8 декабр 2016, 07:04

Ваъдаи Эмомалӣ Раҳмон ба фармондеҳи амрикоӣ

22 ноябр 2013, 17:22

Эмомалӣ Раҳмон, раисиҷумҳури Тоҷикистон, имрӯз, 22-юми ноябр, дар мулоқот бо фармондеҳи нақлиётии Иёлоти Муттаҳидаи Амрико, генерал Вилям Фрейзер III , масоили ҳамкорӣ дар соҳаҳои сиёсию амниятӣ, низомӣ, иқтисодӣ ва иҷтимоию гуманитариро баррасӣ кардааст.

Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон ба генерали амрикоӣ ваъда додааст, ки барои транзити молҳои кишварҳои аъзои НАТО аз Афғонистон тариқи қаламрави Тоҷикистон мусоидат хоҳад кард. Эмомалӣ Раҳмон таъкид намудааст, ки “ҳукумати Тоҷикистон тибқи созишномаи бо НАТО бастааш ба ин кор ҳамаҷониба мусоидат хоҳад кард”.

Генерал Вилям Фрейзер III бо ёдоварӣ аз нақши муҳими Тоҷикистон ва мавқеи стратегии ҷуғрофии он дар Осиёи Марказӣ изҳор доштааст, ки Амрико минбаъд низ рушди идораи сарҳадот ва таъмини моддию техникии нерӯҳои марзбонӣ, сохторҳои амниятӣ, қудратӣ, хадамоти гумрук ва дигар сохторҳои марбут ба таъмини амнияти минтақавиро дастгирӣ хоҳад кард.

Хадамоти матбуоти раисиҷумҳур мегӯяд, дурнамои рушди вазъият дар Афғонистон ва минтақаи атрофи он пас аз соли 2014 дар меҳвари мулоқоти Раҳмон бо генарали амрикоӣ буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Selina

  • 24 ноябр 2013 06:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Etogo eshyo nam ne khvatalo...
Посух додан
  • Shaggy

  • 24 ноябр 2013 18:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кори Бехтаринро кард!!! )))) Оли Чаноб! ))))

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!