23 ноя 2013 09:15Тоҷикистон / Иҷтимоӣ / Тема дня

Баҳси одоби журналистони тоҷик ва нигоҳе ба қазияи Тутубалина

Кафедраи журналистикаи байналхалқии Донишгоҳи миллии Тоҷикистон бо баргузории як конфронси ҷумҳуриявӣ одоб ё худ этикаи касбии журналистони тоҷикро ба баҳс кашидааст.

Сангин Гулов, дотсент, мудири кафедраи журналистикаи байналхалқии Донишгоҳи Миллӣ дар суҳбат ба «Озодагон» гуфт, конфронс, таҳти унвони «Риояи меъёр ва принсипҳои байналхалқии этикаи касбии журналистӣ дар журналистикаи тоҷик», 22-юми ноябр, оғоз гардида, имрӯз, 23-юми ноябр идома хоҳад дошт.

Ба иттилои Гулов зимни ин ҳамоиш мутахассисони журналистика, масоили марбут ба одоби журналистика дар расонаҳои хориҷӣ, одоби баҳс дар матбуот, меъёрҳои ахлоқӣ ва матбуоти саргармкунанда, ҷанбаъҳои ахлоқии истифодаи иттилооти телефонӣ дар телевизион, мушкилоти ахлоқӣ дар журналистикаи сиёсии тоҷикро мавриди баҳс қарор медиҳанд.

Дар робита ба матлаби Олга Тутубалина, “Неинтеллигентно об интеллигенции”, ки нашраш дар ҳафтаномаи “Азия Плюс” баҳси додгоҳии зиёиён бо муаллиф ва нашрияро ба бор овард, Сангин Гулов гуфт, “Тутубалина қонунро вайрон накардааст, гумон мекунам, даъвогарон алайҳи ин журналист иштибоҳ мекунанд, зеро ин масъала бештар ҷанбаи ахлоқӣ дорад, на ҳуқуқӣ”.

Сангин Гулов таъкид намуд, ки меъёрҳои ахлоқӣ низ ба таври умум дар матлаби Тутубалина нақз нашудаанд, чун муаллиф аз иқтибос кор бурда, сухани Ленинро дар мавриди зиёиён истифода кардааст.

Аммо Иттифоқи нависандагон дар ҳамроҳӣ бо Академияи улуми Тоҷикистон, Иттифоқи рассомон, Иттифоқи оҳангсозон, Иттифоқи меъморон иддао доранд, ки Олга Тутубалина дар матлабаш “Неинтеллигентно об интеллигенции” тамоми қишри ҷомеаро, ки ба фаъолияти эҷодию илмӣ машғуланд, таҳқир кардааст. Панҷ иттиҳодияи эҷодию илмӣ ва Дилбар Абдиева, номзади илмҳои тиб, аз болои Тутубалина ва нашрияи “Азия-Плюс” ба додгоҳ муроҷиат карда, 200 ҳазор сомонӣ ҷуброн ва маъзаратхоҳии расмиро талаб доранд.

Тутубалина дар матлабаш бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурдааст ва таъкид карда, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.

Мӯҳр

Хабарҳои монанд:

Мурсалим

дар хакикат Ленин дар чилди 51, с.48 ин суханро дар мактубаш ба Горкий гуфтааст, ки хак аст рост. Зиеиене хастанд, ки начосати миллатанд.

Ҷавоб диҳед Иқтибос Шикоят

Абубакр

Муҳтарам Сангин Гулов, пас ҳар касе метавонад, иқтибос аз дигарон гфта, алфози қабеҳро истифода бурдан гирад...

Ҷавоб диҳед Иқтибос Шикоят

Бозтовар

хай бо Тутубалина аст

Ҷавоб диҳед Иқтибос Шикоят

Юсуф

"...САНГИН ГУЛОВ ТАЪКИД НАМУД, КИ МЕЪЁРҲОИ АХЛОҚӢ НИЗ БА ТАВРИ УМУМ ДАР МАТЛАБИ ТУТУБАЛИНА НАҚЗ НАШУДААНД, ЧУН МУАЛЛИФ АЗ ИҚТИБОС КОР БУРДА, [b]СУХАНИ ЛЕНИНРО ДАР МАВРИДИ ЗИЁИЁН ИСТИФОДА КАРДААСТ..."[/b]
Хай, кардааст, охир? Акнун қойил шудед, ки О.Т. зиёиёни тоҷикро дашном додааст??? Боз чӣ даркор? Аз он ҷумла шуморо низ, оқои Гулов. Худро ба карӣ наандохта, думболи нангу номуси миллӣ шавед! Дар пеши шогирдон чӣ ҷавоб медиҳед?Аз онҳо патриот месозед ё таҳаммулпазирони таҳқиру ҳақорат? Як маротиба мақолаи "ЭЪТИРОЗИ" Зафарро дар ин сайт хонед. Шояд хулосаатонро тағйир хоҳед дод.

Ҷавоб диҳед Иқтибос Шикоят

хусайн

О.Т.,дар маколааш чизи нав е тахкиромезе нанавишта, танхо аз раннгивазкунихои бозори собир ва амсоли онхо нигошта.Агар хазми ин макола ба барке аз зиеиени точиик душвор аст,пас эшон бояд рисолати хешро бо пулу мол нафурушанд. Зиеи шахсиятхои худогох ,сарсупурдаанд,ки бо ормонхои милли содиканд . На хар чавнамои гандумфуруш!

Ҷавоб диҳед Иқтибос Шикоят

хусайн

Аввал макопаро хонед. Баъд ин Бозорро дидед:гох ин тараф гох он тараф,гох аз газал,гох аз дин,гох аз класикон хушаш намеояд. Магар ин зиеи аст? Ахлот, начас! Агар зиеиен рисолати хешро рохандози накунанд,аз ормонхои милли пуштбони накунанд пас кистанд? Наход хар замон назару акидаатро дигар шавад. Е шабехи бозаргонон;хама чиз фурухта ва харида мешавад. Зиеи бозаргон нест! У инсони худогох, далер, сарсупурда, рохнамо ва содик ба ормонхои миллист.

Ҷавоб диҳед Иқтибос Шикоят

Юсуф

хусайн,
Ин бори аввал нест, ки русҳо тоҷиконро дашному таҳқиру ҳақорат мекунанд. Маъмулан онҳо аз Русия истода саг барин аккос мезананд. О.Т. дид, ки тоҷиконро чизе гӯйи парво надоранд, мисли ҶӮГИҲО. Тоҷикро кушта, ронда, таҳқиру шантаж карда мешудааст. Аз ин рӯ ӯ шерак шуда, ин бор дар маркази мамлакати тоҷикон ба таҳқир пардохт. Аз назари ӯ "гунаҳгоронро" ном ба ном не, балки ба сифати умум, ҳамаро! Чи тавре ки мебинем, он зан хато накард. Боз ҳамон хомӯшӣ. Боз ҳамун бетафовутӣ. Боз ҳамон дудилагиву тарсувӣ. Илова бар он иддае худи тоҷикон ба ӯ қарсак мезананд. Мана миллату мана ғуломсифатӣ. Мегӯянд, ки вақте Ҷордане Бруноро дар майдон дар оташ месӯзонданд, зане аз байни мардум берун шуда, болои оташ ҳезум мепартофтааст. Инро Ҷ.Бруно дида, "Ай, соддагии муқаддас" гуфта будааст. Ҳоло тоҷикон монанди ҳамон бевазан шудаанд. Аз соддагӣ, ба кушанда ва таҳқиркунандаи хеш қарсак зада, ӯро шодбош мегӯянд. Худо аз ин гуна миллати ҳалқабаргӯши ғуломсифат нигаҳ дорад.

Ҷавоб диҳед Иқтибос Шикоят

Эзоҳ илова кунед