Русский  >>  فارسی  >>  Якшанбе 4 декабр 2016, 13:11

Иҷозаи Убайдуллоев ба идомаи сохтмони Бохтар-46 ва Шотемур-25

28 ноябр 2013, 17:39

Маҳмадсаид Убайдуллоев, раиси шаҳри Душанбе, барои идомаи сохтмони биноҳои баландошёнаи "Шотемур-25" ва "Бохтар-46"-и пойтахт дубора иҷозат додааст. Эраҷ Олимов, вакили саҳмдорони бинои навбунёди Бохтар-46, дар суҳбат бо “Озодагон” гуфт, баъд аз муроҷиаташон ба Убайдуллоев ва дастгоҳи раисиҷумҳур мушкили онҳо ҳал шудааст.

Ҳудуди се моҳ пештар Маҳмадсаид Убайдуллоев, шаҳрдори Душанбе, дар доираи нақшаи генералии пойтахт, ки аз ҷониби муассисаи «Гипрогор»-и Маскав нав шудааст, қарор намуда буд, 36 бино аз маркази Душанбе бардошта шаванд. Инчунин, дастур шуд, сохтмони чанд бинои баландошёна, ки дар ҳоли анҷомёбиянд, то мувофиқа бо нақшаи нави генералӣ боздошта шавад.

Оқои Олимов дар суҳбат ба “Озодагон” гуфт, раёсати меъмории шаҳр барои сохтмони бинои истиқоматии Шотемур-25 ва Бохтар-46 дубора иҷозат додааст: “Дар раёсат гуфтанд, биноҳои истиқоматии Шотемур-25 ва Бохтар-46 ба нақшаи нави генаралии Душанбе ворид шуданд ва мо метавонем сохтмони биноҳоро идома диҳем. Пагоҳ, 29 ноябр, аз раёсат ҳуҷҷати расмии сохтмонро гирифта, ба кори он шурӯъ хоҳем кард.”

Ёдрас мекунем, барои сохтмони ин ду бинои баландошёна дар маркази Душанбе наздики 200 оила саҳмгузорӣ кардаанд.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!