Русский  >>  فارسی  >>  Сешанбе 6 декабр 2016, 19:05

ВИДЕО: Истиқбол аз Саламшоҳ Муҳаббатов ва гуфтугӯ бо ӯ

30 ноябр 2013, 11:17

Саламшоҳ Муҳаббатов, раиси Федератсияи гӯштӣ (куштӣ)-и озоди Тоҷикистон, баъд аз дарёфти унвони қаҳрамони ҷаҳон оид ба дзюдо миёни бузургсолон, субҳи 30 ноябр аз Дубай ба Ватан омад. Ба истиқболи ӯ дар фурудгоҳи байналмилалии Душанбе теъдоди зиёди дӯстону наздикон ва варзишкорон омада буданд.

Оқои Муҳаббатов дар лаҳзаҳои аввали фуруд омаданаш аз ҳавопаймо бо “Озодагон” гуфтугӯ анҷом дод ва дар бораи пирӯзияш ва истиқболи гарми сокинон изҳори назар кард. Ӯ гуфт, “барои ман аз ҳама муҳим ин аст, ки парчами Тоҷикистон боло бардошта шуд ва Суруди миллии кишвар садо дод. Дар асл ашки шодӣ ҳам рехтам. Шаҳрвандони Тоҷикистон, ки дар Дубай буданд, хеле мухлисӣ карданд. Аввал Худову баъд мухлисии ҳамонҳо буд, ки ҷои аввалро соҳиб шудам.”



Генерали 53-солаи тоҷик аз истиқболи сокинон, ки субҳи барвақт барои пешвозгирии ӯ омада буданд, изҳори хушнудӣ карда, ба онҳо сипос гуфт. “То замоне ки ҳастам, барои дифои номи Ватан ва шарафаш талош хоҳам кард”,-таъкид кард ӯ. Саламшоҳ Муҳаббатов афзуд, дар асл он қадар барои иштирок дар мусобиқаи оид ба дзюдо омода набуд. “Лекин Нарзулло Каримов, аз дӯстони ман, гуфт, меравем. Вай дилпур кард, ки меравем, иншоаллоҳ, ягон гап мешавад.”

Оқои Муҳаббатов дар мусобиқоти ҷаҳонии дзюдо, ки аз 25 то 26 ноябри соли ҷорӣ дар шаҳри Дубайи Имороти Муттаҳидаи Араб баргузор шуд, ба рақибонаш пирӯз омад. Ин паҳлавони шинохтаи тоҷик дар вазни то 90 килограм майдондорӣ карда, дар даври аввал - Владимир Маркелов (Русия), дар марҳилаи нимниҳоӣ Радик Нурмуҳаммадхонов (Русия) ва дар қисмати ниҳоӣ Банжел Ярослав (Чех)-ро мағлуб карда, унвони қаҳрамони ҷаҳон оид ба дзюдоро соҳибӣ намудааст.

Генерал Саламшоҳ Муҳаббатов яке аз фармондеҳони пешин дар даврони даргириҳои солҳои навадуми асри гузашта дар Тоҷикистон ба шумор меравад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Садхо офарин ва муборкбоди ба Саламшо Мухаббатов пахлавони тавонои миллат ва ба диловари далер Хайрулло Назриев. Вокеъан мардони далеру часур ва инсонхои ниятбахайр хастанд. Хуш ба холи онхое, ки дар маросими истикболи у ширкат доштанд. Ман агарчи бо ин пахлавонон ба чузъ хамватани хеч муносибат надорам, агар дар Душанбе мебудам, хатман ба пешвози онхо мерафтам.
Посух додан
  • Мухлис

  • 30 ноябр 2013 11:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин Хилватшо, кандота бзан. Зур!
Посух додан
  • Исо

  • 30 ноябр 2013 12:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин акаи Саламшо пирузи муборак!
Посух додан
  • Мухаммад

  • 30 ноябр 2013 12:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин акаи Саламшох, дар хакикат арзандаи ин унвон хастед.
Худо умри дарозу бо баракат ва дар рохи Худо хизмат карданро насиб гардонад.
Пирузи муборак!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Саламшохро аз овони чавони мешиносм. Богайрату шермард ва часур аст. Дар ин синну сол ба ин унвон расидан он хам дар дзюдо ин худ кахрамонист. Офарин!
Ба Хилватшохи Махмуд низ сипос!
Посух додан
  • Dev

  • 30 ноябр 2013 22:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Hursandem!Oli ! Salomativu piruzi hamesha bo shumo bod !

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!