Русский  >>  فارسی  >>  Якшанбе 4 декабр 2016, 19:15

Таҷлили Рӯзи байналмилалии маъюбон ва таъхиркориҳои ҳукумат

3 декабр 2013, 09:25

Имрӯз, 3-юми декабр дар Тоҷикистон, рӯзи байналмилалии маъюбон таҷлил мегардад ва ба ин муносибат дар кишвар чорабиниҳои фарҳангӣ-фароғатӣ дар Душанбе дар назар аст.

Рӯзи байналмилалии маъюбон бо қарори Созмони милали муттаҳид таҷлил гардида, ҳадафи он ҷалби таваҷҷуҳ ба мушкилоти маъюбон, иштироки густурдаи маъюбон дар ҳаёти сиёсӣ, иқтисодӣ иҷтимоӣ ва фарҳангӣ мебошад.

Ин дар ҳолест, ки ҳукумати Тоҷикистон то ҳол Конвенсияи СММ оид ба ҳуқуқи маъюбонро тасвиб накардааст. Ин Конвенсия, ки моҳи декабри соли 2006 қабул ва аз майи соли 2008 мавриди амал қарор гирифтааст, ба маъюбон имтиёзҳои зиёд барои табобат, таҳсил, ҷойи кор, дастрасӣ ба иншооти кӯмакрасон ва ғайра пешбинӣ мекунад.

Айни ҳол ин конвенсияро 155 кишвари дунё имзо намуда, 130 кишвари дигар аллакай онро ба тасвиб расондаанд. Тоҷикистону Белорусия дар ҳудуди ИДМ ягона кишварҳое мондаанд, ки то ҳол Конвенсияи байналмилалии ҳуқуқи маълулонро ба имзо нарасондаанд.

Дар ҳамин ҳол созмонҳои ҷамъиятӣ ва байналмилалӣ борҳо аз ҳукумати Тоҷикистон даъват намудаанд, ки Конвенсияи СММ дар бораи ҳуқуқҳои маъюбонро ба имзо расонад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!