03 дек 2013 18:44Тоҷикистон / Ҷавонон ва варзиш

"Равшан" ба Ҷоми AFC-2014 рафт, "Истиқлол" монд

Тоҷикистонро дар Ҷоми AFC-2014 танҳо як даста, қаҳрамони футболи кишвар намояндагӣ хоҳад кард.

Бино ба иттилои торнамои Федератсияи футболи Тоҷикистон, Конфедератсияи футболи Осиё (AFC) тасмим гирифта, ки дар мусобиқаи навбатӣ аз Тоҷикистон танҳо қаҳрамони кишвар ширкат намояд.

Ин дар ҳолест, ки дар Ҷоми Ҷоми AFC-2013 аз Тоҷикистон ду даста – “Равшан” ва “Регар-ТадАЗ” ширкат намудаанд. Бозии ин тимҳо муваффақ набуд. Клуби Турсунзода дар ҷамъбасти даври гуруҳӣ дар рейтинги AFC 0,667 имтиёз гирифт, аммо “Равшан”, ки ҳамаи шаш дидорашро бохт, бидуни хол монд. Дар ҳоли ҳозир дар рейтинги АФК Тоҷикистон бо 27,34 имтиёз миёни 46 кишвар мақоми 26-умро ишғол мекунад.

Кумитаи мусобиқоти AFC бо назардошти рейтинг, тасмим гирифта, ки дар минтақаи “Ғарб”-и Ҷоми AFC-2014, ки Тоҷикистон низ шомили он аст, дар даври гуруҳӣ 14 даста ширкат намояд. Аз Баҳрайн, Урдун, Ироқ, Қувейт, Лубнон, Умон ва Сурия ду дастаӣ иштирокчии сабқат хоҳанд буд. Аммо Тоҷикистон, Яман, Қирғизистон ва Фаластинро танҳо як дастаӣ муаррифӣ мекунад, вале ин тимҳо аз даври плей-офф вориди мусобиқа хоҳанд шуд.

Қаҳрамони дукаратаи Тоҷикистон клуби “Равшан”-и Кӯлоб муборизаро дар Ҷоми AFC-2014 аз даври плей-офф шурӯъ мекунад. 2 феврали соли оянда “Равшан” бо қаҳрамони секаратаи Яман – “Ал-Ярмук Ал-Равда” қувваозмоӣ хоҳад кард. Ин дидор дар Тоҷикистон баргузор мешавад, аммо ҳоло маълум нест, ки ин бозӣ дар кадом варзишгоҳ мегузарад. Варзишгоҳи Кӯлоб ба меъёрҳои байналмилалӣ ҷавобгӯ нест.

Даври плей-оффи Ҷоми AFC аз як бозӣ иборат аст ва ғолиб роҳхати даври гуруҳиро дарёфт мекунад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Кулоби

Шармандагии федератсияи футбола бинен, акалан барои чемпион шиданш як стадионш соз кнен. Як Кабути бечора сохтани бд ки махкамш каден ма намедонм чида иё мо кулобиёра чап грфтан.. Агар аму стадиони фрунзе ай равшан мебд оли чемпиони азя хам шида бд. Да Кулоби мо корхона соз намекнен хай хами ду се стадион соз кненда Бразилиявори футболист брорем дига давлато рои кнем. Шмо стадион соз кнен мо гарантияш кати ба чой мухочирой кори футболист экспорт мекнем.

Ҷавоб диҳед Иқтибос Шикоят

Эзоҳ илова кунед