Русский  >>  فارسی  >>  Шанбе 10 декабр 2016, 13:48

"Беназоратӣ боиси сӯхтори бинои ҳукумати Роштқалъа шуд"

5 декабр 2013, 12:34

Хадамоти сӯхторхомӯшкунии вилояти Бадахшон мегӯяд, тибқи иттилои пешакӣ сабаби сӯхта хокистар шудани бинои ҳукумати ноҳияи Роштқалъа ин беназорат мондани таҷҳизоти барқӣ мебошад.

Анвар Шолангаров, сардори Хадамоти оташнишонӣ дар вилояти Бадахшон, ки айни ҳол дар ҷои ҳодиса қарор дорад, дар суҳбат бо “Озодагон” гуфт, “тибқи иттилои пешакӣ сабаби сӯхтор беназорат мондани таҷҳизоти барқӣ мебошад, ки боиси расиши кӯтоҳ шудааст. Чун бино аз масолеҳи зуд сухташаванда бунёд ёфта буд, оташ хеле тез тамоми биноро фаро гирифтааст. Сабаби дигар дар он аст, ки худи ноҳияи Роштқалъа хадамоти сӯхторхомӯшкунӣ надорад, оташнишонҳо аз худи Хоруғ омаданд. Барои то ҷои ҳодиса омадан ҳудуди 2 соат вақт лозим аст. Ин ҳама боиси сӯхтори пурраи бино шуд.”

Ин дар ҳолест, ки яке аз ду мошини сӯхторхомӯшкунӣ, ки аз Хоруғ ба ноҳияи Роштқалъа раҳсипор шуда буданд, ба садама дучор гардид ва дар натиҷа ду оташнишон, Амруд Дустназарови 28-сола, сокини ҷамоати Поршнев ва сокини 34-солаи Хоруғ, Шероз Раҷабмамадов ҷон бохта, ду оташнишони дигар маҷруҳ шудаанд. Худи сӯхтор соати 2:30-и 4-уми декабр сар задааст. Айни ҳол ҳисоби хисороти он идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!