Русский  >>  فارسی  >>  Ҷумъа 9 декабр 2016, 18:31

Модари Ҳамза: "Акнун ба назди хонаи президент меравем" (ВИДЕО)

16 декабр 2013, 16:15

Додгоҳи ноҳияи Исмоили Сомонии пойтахт рӯзи 16 декабр даъвои волидони Ҳамза Икромзодаро дар бораи рӯёндани даҳ миллион доллар ҷуброни зарари маънавӣ рад кард. Ҳамза Икромзода тирамоҳи соли гузашта дар зиндони рақами яки Душанбе ба таври мармуз даргузашт. Наздиконаш бовар доранд, ки маъмурони зиндон ӯро куштаанд, вале Вазорати адлия мегӯяд, Икромзода худкушӣ кардааст.

Вакили мудофеъ Бузургмеҳр Ёров дар сӯҳбат бо “Озодагон” гуфт, ҳоло дақиқ нест, даъвои волидони Ҳамза Икромзода барои чӣ ва дар асоси кадом далел рад шудааст. “Бо дар назардошти он ки додрас (судя) танҳо қисми аввалу охири ҳалномаро хонд ва ин ҳуқуқи ӯст, ҳоло маълум нест, даъво дар кадом асос рад карда шудааст. Дар муддати панҷ рӯз ҳалномаи додгоҳ пурра омода мешавад. Мо онро хонда таҳлил мекунем ва баъд вобаста ба ин ҳолат шикояти кассатсионии худро ба додгоҳи шаҳри Душанбе пешниҳод хоҳем кард”,-афзуд ӯ.



Оқои Ёров дар идома гуфт, бо ин ҳол, аз радди даъвои волидони Ҳамза Икромзода дар шигифт уфтодааст ва ба ин фикр аст, ки дар кишвар қадри инсон камтар боқӣ мондааст. “Ман ҳамин хел мефаҳмам, ки инсонро азобу шиканҷа додан мумкин будааст. Дар ҳоле ки талаботи моддаи 5-и Қонуни асосии Тоҷикистон мегӯяд, инсон аз ҳама арзиши олист”,-гуфт Бузургмеҳр Ёров.

Ҳарчанд намояндагони додгоҳи Исмоили Сомонӣ дар ин замина ҳарфе нагуфта, ҳалномаро низ шарҳ надоданд, вале модари Ҳамза Икромзода – Зулайхо Ҷӯраева ба “Озодагон” гуфт, аз ин тасмими додгоҳ розӣ нест ва мухолифи он эътироз хоҳад кард. Ӯ афзуд, “мо дар як коғази калон аксҳои писарамро ҷамъ овардаем. Ният дорем, бо тамоми падару модароне, ки фарзандонашон дар маҳбасхонаҳо ҳастанду таҳти фишору шиканҷа қарор доранд, ба назди манзили раисиҷумҳур биравем ва арзу додамонро бигӯем.”

Хонум Ҷӯраева аз он изҳори норизоӣ кард, ки бо гузашти як солу се моҳ аз замони фавти писараш дар зиндон ташхиси экспертизаро надидаанд. Дар ҳоле ки ба таъкиди ӯ, қаблан муфаттиши Додситонии кулл Икромиддин Қараев ба онҳо гуфтааст, ташхис 80 дарсад ба ҷониби хонаводаи Ҳамза Икромзода аст. “Вале баъд аз он, то ҳол, Икромиддин Қараев ба зангҳои телефони мо ҷавоб намедиҳад. Қонуншикан мақомоти давлатӣ ҳастанд ва раисиҷумҳур давлати Тоҷикистонро ҳамин мақомот паст задаанд. Мо дар ҳамин мурофиаи додгоҳӣ ташхиси писарамонро дидем, ки дар онҷо омадааст, гӯиё мағзи сари вай варам будааст. Чанд хулосаҳои дурӯғи дигарниз буд. То он рӯзе, ки зиндаам, мубориза хоҳам бурд”,-илова кард Зулайхо Ҷӯраева.

Ҳамза Икромзода, сокини 27-солаи ноҳияи Ҳисор, ки ба ҷурми авбошӣ маҳкум ба зиндон шуда буд, соли гузашта дар мсаҳбаси рақами яки Душанбе даргузашт. Пайвандони ӯ гуфтанд, ҳангоми шустани ҷасади Икромзода дар бадани ӯ изи дарзмол ва бандро пайдо кардаанд. Иддаое, ки мақомот онро рад карда, ҳатто Иззатулло Шарифов, сардори Раёсати муассисаҳои ислоҳоӣ гуфта буд, “касе Ҳамзаро куштааст, Худо мезанадаш”.


Шарҳи худро бинависед:

Ном:*
E-Mail:
Матни шарҳ:
Посух додан
  • Фаридун

  • 16 декабр 2013 21:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд ин бе инсофу бе адолату харомхури моро иншоллох фардо рузи киёмат нишон медихад, Ман ба ин модар аз даргохи Худо сабри чаминро хоханам
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ооо апаи Зулайхо то охир мубориза баред! Гап жар сари фарзанди Шумо меравад.
Посух додан
  • Фира

  • 17 декабр 2013 09:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дар давлати мо одами камбагалу нодора хамчун инсон намешиносанд,ин суду пракрату ба ки лозимаст,ки танхо масъалахои чидиро танхо ЧО хал намояд инкадар пракрорхо баро чи аз давлат маощ мегиранд намедонам.агар дар макомотхои болот того.ё инки ..пул...бошад корат хал мешавад
Посух додан
  • Гариби Ватан

  • 17 декабр 2013 14:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ришвахурй,одамбозй дар Точикистон ба дарачаи аъло расидааст.Пулат бошад одам кушта бошй хам халос мешавй!Бепул бегунох хабс карда мешавад.
Кимати пул пеши конуни Ватан афзудааст,
Дар бисотат пул набошад доди ту бехудааст.

Ба чабрдидагон хамдардй баён мекунам!
Посух додан
  • хонанда

  • 17 декабр 2013 23:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
э неки барои як авбош ин кадар гапу калоча.Хами холара як бор пурсен ки вакти бачат бо никоб хонаи мардум даромад фикри кудакои у очаи хаму кудакора накарди?
Посух додан
  • модар аз Душанбе

  • 19 декабр 2013 21:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагон, ин мавзуро мон, дар шахри Душанбе аз имруз сар карда соли нав ва иди алифбо огоз гардидааст. Факат дар мактаби №60 аз як хонандаи синфи 1 ба маблаги 100 сомони чамъ кардаанд. 35 барои винетка ва бокимонда хаки муаллима касе боз падарка намеорад вой бар холи он, дар синф 35 нафар мехонад, бисьёри хонандагон хонда наметавонанд, агар аз муаллима пурси мегуяд намефорат барш мактабои пулаки, мо чи кор кунем, дардамона ба ки гуем
Посух додан
  • модар аз Душанбе

  • 19 декабр 2013 21:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Илтимос ин мавзуро бинед, ба шуъбаи маориф гап зада намешавад, директори мактаб дар паси дари синф боз рох намедихад, ки акалан бо ин маблаги чамъшуда муаллима чи кадар савод омухтааст ба кудакон.
Хар мох 20 сомони аз хар кудак чамъ мекунанд, агар пурси барои чи, чавобаша худатон рафта гиред. Иловаги дарс гуфтан ки дар хамон синф барпо мешавад дар партаи кафо сад сомони.Ин хел хонандагон 5-6 нафаран ки муаллима ба онхо камтар нисбати дигар хонандагон дикат медихад, мо чи кор кунем хамаги 300 сомони маош мегирем, вой бар холи фарзандони мо
Агар хакикат бошад аз ин мактаб репортаж тайё мекунед, аз ахволи хочатхонаи мактаб бохабар мешавед, чанги мактаби 60 ва 90 ро мухокима мекунед, насли оянда чи хел тарбия меёбад

Умед дорам хакикати холро маълум мекунед
Посух додан
  • ману

  • 19 декабр 2013 21:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Додгох бедодгари дора

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!