Русский  >>  فارسی  >>  Ҷумъа 9 декабр 2016, 16:36

Талаби хабарнигорони Суғд барои муҷозоти маъмурини пулис

27 декабр 2013, 11:26

Хабарнигорони мустақили Суғд имрӯз, 27- уми декабр, барои дифоъ аз ҳуқуқҳои наворбардори хабаргузории «Озодагон» Абдураҳим Шукуров ҷаласаи изтирорӣ баргузор намуда, муҷозоти масъулини дастанадаркорро талаб намудааст.

Ҷура Юсуфӣ, сардабири ҳафтаномаи «Дам», дар мавриди боздошту латукӯби Абдураҳим Шукуров иброз намуд, ки «бояд гунаҳкорони ин ҳодиса аз ҷониби мақомоти дахлдор муайян карда шуда, нисбаташон чораҳои қонунӣ андешида шавад».

Мавлуда Рафиева, хабарнигори тоҷик, дархост намуд, ки бояд ин қазия то ба охир пайгирӣ шавад ва аз Вазорати умури дохилии Тоҷикистон зарари маънавӣ талаб гардад.

Дар охири нишаст хабарнигорон талаб намуданд, ки бояд вазири умури дохилӣ Рамазон Раҳимов, хабарнигоронро барои суҳбати рӯ ба рӯ даъват намояд, зеро ин ҳолат бори аввал нест.

Масъулони Додгоҳи шаҳри Душанбе шоми 26 декабр Абдураҳим Шукуров, наворбардори “Озодагон”-ро бо 320 сомонӣ ҷарима аз боздошт озод кард. Оқои Шукуров шаби 26 декабр, дар ҳоле ки вакили мудофеъ надошт ва аз латту кӯб шуданаш аз тарафи маъмурони пулис шикоят мекард, барои 7 рӯз ҳабси маъмурӣ шуда буд.


Шарҳи худро бинависед:

Ном:*
E-Mail:
Матни шарҳ:
Посух додан
  • ав

  • 27 декабр 2013 11:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хеле далерона. Гап нест шумова буродарои сугди.
Посух додан
  • ВОСЕЪ

  • 29 декабр 2013 10:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ОФАРИН БАРОДАРОН

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!