29 дек 2013 11:12Тоҷикистон / Сиёсат / Муҳоҷир

Номаи эътирозии Душанбе дар робита ба қатли Раҳматшоев

Вазорати умури хориҷии Тоҷикистон дар мавриди қатли ваҳшиёнаи як шаҳрванди кишвар дар Маскав ба унвони сафорати Русия дар Душанбе нотаи эътирозӣ фиристодааст. Ин табааи 32-солаи тоҷик, ки аз ӯ Шоҳҷон Раҳматшоев ном бурда мешавад, рӯзи 26 декабр дар минтақаи ҷанубу ғарби шаҳри Маскав ба таври ваҳшиёна кушта шуда буд.

Тибқи иттилои Вазорати умури хориҷии Тоҷикистон ин нотаи эътирозӣ ё худ ёддошт рӯзи 28 декабр ба унвони Сафорати Русия дар Душанбе фиристода шуда, дар он аз мақомоти Кремл таҳқиқи мӯшикофона ва фаврии қатли Раҳматшоев ва муҷозоти дастандаркорон қотеона талаб карда шудааст.

Инчунин дар ин ёддошт омадааст, “ҷониби Тоҷикистон аз матолиби ахири бархе аз расонаҳои хабарии Русия, ки ангезаи миллатгароӣ дошта, як қисмати аҳолиро ба ин чиз таҳрик медиҳад, сахт нигарнон мебошад”. Дар нотаи эътирозии ҷониби Тоҷикистон ба мақомоти Кремл низ изҳороти бархе аз мансабдорони рус, ки ба миллатгароӣ равона месозад, ишора шудааст.

Ҷасади Шоҳҷон Раҳматшоев шоми 26 ба 27 декабри соли ҷорӣ дар минтақаи ҷанубу ғарбии шаҳри Маскав пайдо гардид, ки сар аз тан ҷудо буда, дар баданаш беш аз захми 25 корд дида мешуд.

Аксҳо аз торнамои LifeNews

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Самад Гани

Факат нтароикунитона медонен шумо дига хичи,

Ҷавоб диҳед Иқтибос Шикоят

Мухочирбача

чиба хап мекнен хукматдоро ба я нома кор хал намешава я нома менависен бо хамикати тамом ай дасти шмо хами милат ба хами руз задай

Ҷавоб диҳед Иқтибос Шикоят

Аброр

Ман ду мох шудааст аз Маскав бар гаштам ва кариб,ки хамаи хукуматдлрони рус милат парастан ва халки моро чашми дидан надоранд ба вайхо танхо гулом даркор аст...

Ҷавоб диҳед Иқтибос Шикоят

Эзоҳ илова кунед