Русский  >>  فارسی  >>  Якшанбе 11 декабр 2016, 16:49

Обама аз ҷосусиҳои Амрико ҳимоят кард

20 январ 2014, 14:48

Барак Обама, раиси ҷумҳури Амрико, ахиран ба тағйири барномаҳои Оҷонсии амнияти миллии кишвараш дахл карда, суханро аз он оғоз намуд, ки ҷамъоварии иттилоот дар таърих ба амният ва озодии Амрико кӯмак кардааст.

Ба гузориши хабаргузории “Форс” Обама иддао кард, ин талошҳо аз вуқуи ҳамалоти зиёде пешгирӣ карда ва ҷони иддаи зиёдеро дар сар то сари дунё наҷот додаанд.

Обама ҳамчунин ба истифода аз равишҳои шиканҷа дар зиндони Гуантанама ишора кард ва гуфт, “мо билофосила баъд аз 11 сентябр дидем, ки давлати мо аз равишҳои пешрафтаи бозҷуӣ истифода кард, ки бо стандардҳо мухолифат доштанд.”

Раисиҷумҳури Амрико дар дифоъ аз барномаҳои ожонси амнияти миллӣ гуфт, ки онҳо аз имконот барои гӯш додан ба тамосҳои телефонии хусусии шумо, ё хондани емайлҳоятон, сӯиистифода намекунанд.

Вай афзуд, ки ожонси амнияти милӣ ва дигар созмонҳои иттилоотии ҳамсояҳо, дӯстони мо ҳастанд. Онҳо ҳам дар дунёи диҷитол зиндагӣ мекунанд.

Обама дар бораи ифшогариҳои Сноуден гуфтааст, ки ин ифшогарӣ равишҳоеро барои душманони мо ошкор сохт, ки метавонад то солҳо бар амалиёти мо асар бигузорад.

Раиси ҷумҳури Амрико таъкид кард, ки сарчашмаи ихтилофҳои эҷодшуда дар бораи ҳарими хусусии мо, танҳо аз давлат нест, балки аз стандардҳои вобаста ба иқдомоти назоратии давлат бояд болотар бошанд.

Обама зимни ишора ба ҷанҷолҳо ва баҳсу ҷадалҳое, ки дар моҳҳои гузашта дар бораи ҷосусиҳои ожонси амнияти миллӣ вуҷуд дошт, гуфт, ман мутаминам, ки ин баҳс ва ҷадалҳо моро қудратмандтар хоҳад кард, Оқои Сноуден ҳам бо ин мувофиқ аст.

Вай афзуд, ҳеч кас интизор надорад, ки дар Чин дар бораи барномаҳои иттилоотӣ баҳси озоде вуҷуд дошта бошад ва ё ин, ки Русия ба ташвишҳои шаҳрвандонаш гӯш кунад.

Вай ҳамчунин иддао кард, касоне, ки аз барномаҳои ожонси амнияти миллии Амрико дифоъ мекунанд, мухолифи озодиҳои шаҳрвандӣ нестанд.

Раиси ҷумҳури Амрико дар идома таъкид кард, давлат ин барномаҳоро ислоҳ хоҳад кард, то шаффофияти бештаре дар фаъолиятҳои назоратии давлат эҷод шавад.

Обама дар айни ҳол гуфт, созмонҳои амниятии Амрико ба ҷамъоварии иттилоот дар мавриди ҳадафҳои давлатҳо, идома хоҳанд дод.
Раиҷи ҷумҳури Амрико дар бораи ислоҳоти мавриди назараш дар барномаҳои ҷосусии Амрико гуфт: “Иислоҳоте, ки имрӯз пешниҳод мекунем, мардуми Амрикоро бештар бовар мекунонем, дар айни ҳол, ки созмонҳои иттилоотии мо абзорҳои лозим барои ҳифзи амнияти онҳоро дар ихтиёр хоҳанд дошт, ҳуқуқашон ҳифз хоҳад шуд.”

Яке аз аз ислоҳоте, ки Обама хостори он шуд, ин буд, ки конгрес ҳайати муташаккил аз тарафдорони ҳифзи ҳарими хусусии шаҳрвандон ташкил диҳад, то бар фаъолиятҳои додгоҳии назорат ба иттилооти хориҷӣ, ки масъули додани ҳукм барои ҷосусиҳои ожонси амнияти миллӣ аст, назорат кунад.

Бештари расонаҳо ва коршиносон пешбинӣ карда буданд, Обама дар бораи нигарониҳои мавҷуд аз густарда шудани доманаи ҷосусиҳо суҳбат кунад, аммо иқдомоте, ки раиси ҷумҳур дар бораи онҳо сухан гуфт, бисёр маҳдуд буд. Обама дастур дод, иқдоми ожонси амнияти миллӣ барои ҷамъоварии маълумотҳои телефонӣ, мутаваққиф шавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!