Русский  >>  فارسی  >>  Панҷшанбе 8 декабр 2016, 14:53

Наздикони Раҳмоналӣ: Русия кӯмак карду Тоҷикистон не

23 январ 2014, 16:52

Наздикони шаҳрвандони фавтидаи Тоҷикистон дар террори Волгоград мегӯянд, кӯмаки ваъдакардаи ҳукумати Русияро дарёфт намудаанд.

Қурбоналӣ Ғозиев, бародари Раҳмоналӣ Ғозиев, яке аз фавтидагони таркиши Волгоград имрӯз, 23-юми январ дар суҳбат ба “Озодагон” гуфт, ҷониби Русия ба ҳамсари Раҳмоналӣ, ки дар Русия қарор дорад, маблағи ваъдакардаашро додааст.

Ғозиев дар мавриди ҳукумати Тоҷикистон гуфт, баъди фавти бародараш дар Русия то ҳол касе аз масъулин аз ҳоли хонаводааш дар Тоҷикистон хабар нагирифтааст ва кӯмаке ҳам накардаанд.

Ин дар ҳолест, ки қаблан Эмомалӣ Раҳмон, раисиҷумҳури Тоҷикистон, зимни як ҷаласа ба масъулин дастур дода буд, ки ба наздикону пайвандони ду шаҳрванди кишвар, ки бар асари таркиш дар шаҳри Волгогради Русия охири соли гузашта ҳалок гардидаанд, дасти кӯмак дароз намоянд.

Дар ҳамлаи террористии Волгоград, ки охири декабри соли 2013 сар зад ду шаҳрванди Тоҷикистон, Раҳмоналӣ Ғозиеви 42-сола ва Тошпулод Назарови 54-сола ба ҳалокат расида буданд. Дар маҷмуъ ҳамлаҳои терористии Волгоград даҳҳо кушта барҷой гузоштанд, ки ба оилаҳои ҳар кадомаашон сарфи назар аз табаият мақомоти Русия 2 миллион рубл кӯмак ваъда карданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Dev

  • 24 январ 2014 02:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Holo ist,ki rafta hamun pulhoi dar kissaatbudaro az hud nakunand ! Inho metavonand !
Посух додан
  • Ашурбой

  • 24 январ 2014 15:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Dev,
Бале, мо метавонем!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!