Эътирози "ИмрӯзNews" ва таҳдиди хориҷ шудан аз Шӯрои ВАО
Масъулони “ИмрӯзNews” тасмим гирифтаанд, узвияташон дар Шӯрои Васоити ахбори оммаи Тоҷикистонро қатъ карда, онро эътироф нанамоянд. Ин тасмим баъд аз нашри натиҷаи мониторинги Шӯрои ВАО (23 январ) дар бораи риояи меъёрҳои ахлоқӣ дар нашрия ва сайтҳои интернетӣ гирифта шудааст.
“ИмрӯзNews” хулосаи Шӯрои ВАО-ро, ки ин рӯзномаро дар қатори “Садои мардум”, “Минбари халқ”, “Чархи гардун” ва “СССР”-у “Миллат” ба гуруҳи “калаванда”-ҳо шомил кардааст, муғризона донистааст. Шӯрои ВАО гуфта буд, ин нашрияҳо “гоҳо рӯ ба меъёрҳои ахлоқи касбӣ меоваранду гоҳе аз он берун мераванд”. Масъулони нашрия гуфтаанд, “ИмрӯзNews” ба ҳеч ваҷҳ натиҷаҳои мониторингро эътироф намекунад ва дар баробари ин, онро шадидан маҳкум мекунад. Мо чунин мешуморем, ки натиҷаҳои ин мониторинг на мунсифона, балки муғризона ҳастанд.”
Ҳоло масъулони “ИмрӯзNews” бо ирсоли номае Шӯрои ВАО-ро аз тасмими худ огоҳ карда ва дар идома гуфтаанд, “ҳафтаи оянда дар робита ба ин тасмим ариза ба Шӯрои ВАО ва пресс-релиз барои расонаҳои хабарӣ ирсол карда мешавад.” Илова бар ин, “ИмрӯзNews” ҳушдор додааст, ки барномаи махсусеро барои ошкор ва яктарафаву муғризона будани мониторингҳои Шӯрои ВАО ба роҳ мемонад. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |