Номаи тасаллияти Раҳмон ба раҳбар ва мардуми Куриё
Эмомалӣ Раҳмон, раисиҷумҳури Тоҷикистон, бо ирсоли як нома ғарқшавии киштии мусофирбари “Севол”-ро ба шаҳрвандони Куриёи Ҷанубӣ, аз ҷумла Пак Кин Хе, раисиҷумҳури ин кишвар тасаллият гуфтааст.
Дар номаи оқои Раҳмон ба Пак Кин Хе, аз ҷумла омадааст, “хонуми Олиҷоҳ, хабари ғарқ шудани киштии мусофирбари “Севол” дар соҳили ҷанубу–ғарбии Куриёро, ки боиси ҳалокати теъдоди зиёди шаҳрвандон гардидааст, бо камоли андӯҳ дарёфт намудам.” Раисиҷумҳури Тоҷикистон афзудааст, марги толибилмони ҷавон дар ин фоҷиа ӯро сахт ғамгин кардааст: “Аз номи ҳукумат ва мардуми Тоҷикистон ҳамдардии амиқи худро ба халқи дӯсти Куриё бо ин талафоти бузург баён намуда, ба наздикони фавтидагон тасаллиёти самимии хешро иброз медорам.”
Киштии мусофирбари “Севол” дар соҳили ҷанубу–ғарбии Куриё 16 апрел ғарқ шудааст, ки қисмати асосии мусофирони онро толибилмон ташкил медоданд. Дар пайи ғарқшавии ин киштӣ 28 нафар ба ҳалокат расида, тақдири 268 нафари дигар ҳанӯз маълум нашудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |