Бахшҳо
16 июн 2014 14:50Тоҷикистон / Иҷтимоӣ

Талаби 10 соли зиндон. Ризоияти вакили Шаҳболу эътирози ҳимоятгари Усмоналӣ

Додгоҳи ҳарбии гарнизони Душнабе гуфт, хулосаи худро дар бораи қазияи латту кӯби Шаҳбол Мирзоев, сарбози нерӯҳои марзбонии Тоҷикистон аз сӯи ҳамхидматаш Усмоналӣ Ғайратов рӯзи 18 июн эълон хоҳад кард. Ҳоло додраси парванда ба хонаи машваратӣ рафтааст.

Ин дар ҳолест, ки рӯзи 16 июн намояндаи додситонӣ ё айбдоркунандаи давлатӣ аз додраси Додгоҳи низомии гарнизони Душанбе, хост, то Усмоналӣ Ғайратовро ба 10 соли зиндон маҳкум карда ва 12 ҳазор сомонӣ (300 нишондиҳанда) ҷарима бандад.Додситон Дилшод Исломов рӯзи 16 июн дар додгоҳ баромада карда, гуфт, Ғайратов бар асоси моддаи 373, қисми 2, банди “д”-и Кодекси ҷиноӣ гунаҳкор дониста мешавад.

Усмоналӣ Ғайратов рӯзи 11 июн ҳангоми суханронияш дар додгоҳ худро қисман гунаҳкор эътироф кард. Ӯ гуфт, “дар вайрон намудани оинномаи ҳарбӣ худро гунаҳкор меҳисобам ва аз кори кардаам сад бор пушаймонам. Ба саломатии Шаҳбол зарар расондам ва барои ин корам ҷавоб медиҳам.”

ИҚРОРИ УСМОНАЛӢ

ҶАВЛОН ТАСДИҚ КАРД, КИ...

НОМАИ ҶАВОБИИ ГЕНЕРАЛ

Оқои Исломов дар ин баромадаш, Гулрафтор Ширинова, навбатдори нуқтаи тиббии қисми низомии 2620, воқеъ дар ноҳияи Рӯдакиро, ба бемасъулиятӣ гунаҳкор донист. Ӯ аз додрас хост, фаъолияти Шириноваро дар ду соли оянда маҳдуд ва 15 дарсади маошашро ба ҳисоби давлат биситонад. Ба қавли додситон, шоме, ки Шаҳбол Мирзоев дар нуқтаи тиббӣ латту кӯб шуд, Гулрафтор Ширинова бояд навбатдорӣ мекард, аммо дар он ҷо набудааст. Парвандаи латту кӯби Шаҳбол Мирзоев ҳанӯз моҳи марти соли ҷорӣ бар асоси моддаи 373, қисми 2-и Кодекси ҷиноӣ боз шуда буд.

Абдураҳмон Шарифов, вакили мудофеи Шаҳбол Мирзоев, бо ҷонибдорӣ аз суханҳои додситон аз додрас хост, дар хонаи машваратӣ ба масъалаи ҷуброни зарари моддӣ низ баҳои дуруст диҳад. “Маълум шавад, ки чӣ қадар зарари моддиро Усмоналӣ Ғайратов ва чӣ қадарашро нерӯҳои марзбонӣ пардохт мекунанд”,-афзуд ӯ. Аммо Абубакр Қулматов, ҳимоятгари Усмоналӣ Ғайратов аз додрас хост, айбнома нисбат ба зерҳимояаш бар асоси моддаи 118-и Кодекси ҷиноӣ бандубаст шуда, ҷазои ғайриҳабсӣ татбиқ гардад: “Муфаттиши парвандаи Усмоналӣ Ғайратов зимни тафтишот ба бисёр қонунвайронкунӣ роҳ додааст. Аз ҷумла, дар марҳилаи аввали тафтишот бе ҳузури вакили мудофеъ Ғайратовро бозпурсӣ намудааст.”

Дар идома вакили дифои Гулрафтор Ширинова низ суханронӣ карда, аз додрас хост, парванда нисбат ба нафари таҳти ҳимояташ пурра қатъ шавад: “Ширинова он рӯз худсарона ҷои корро тарк накардааст, балки аз роҳбараш иҷозат гирифтаст. Баъдан, бори аввал чунин кор шудаасту ӯ кӯдаки 4-солаи бемор доштааст.” Абдураҳмон Шарифов, вакили мудофеи Шаҳбол, мегӯяд, Усмоналӣ Ғайратов барои баромадан аз ҳадди ваколатҳои хидматӣ ва нақзи оинномаи рафтори сарбозон муттаҳам мешавад ва ҳамроҳи ӯ Гулрафтор Ширинова, фелдшери нуқтаи тиббии қисми низомии нерӯҳои марзбонӣ, воқеъ дар ноҳияи Рӯдакӣ, низ дар курсии айбдорӣ нишастааст. Ширинова барои хунукназарӣ ҳангоми иҷро кор муттаҳам мешавад.

Шаҳбол Мирзоеви 23-сола, сокини деҳаи Понғози ноҳияи Ашт ва фориғуттаҳсили Донишгоҳи ҳуқуқ ва тиҷорати шаҳри Хуҷанд, ҳамагӣ 7 моҳ қабл довталабона ба хидмати низомӣ рафта буд. Ӯ шоми 8 марти соли ҷорӣ аз сӯи ҳамхидматаш дар қисми ҳарбии марзбонии 2620 мавриди “латту кӯб”-и шадид қарор гирифта, сутунмуҳрааш мешиканад. Масъулини Додситонии низомии гарнизони шаҳри Душанбе, ки ин қазияро тафтиш доранд, гуфта буданд: “Гардани Шаҳбол Мирзоев дар натиҷаи маҷбуран гуштӣ гирондани ӯ бо кӯҳнасарбоз - Усмоналӣ Ғайратов шикастааст. Алайҳи Ғайратов тибқи моддаи 373-юми Кодекси ҷиноӣ (вайрон кардани қоидаҳои ойинномавии муносибат байни хидматчиёни низомие, ки тобеъи ҳамдигар нестанд) парванда боз шудааст.”

Вале Сарраёсати қушунҳои сарҳадии Тоҷикистон бо пахши як иттилоия қасдан латту кӯб шудани сарбоз Шаҳбол Мирзоевро такзиб ва айбдор будани масъулини саррраёсатро дар ин қазия рад кард. Дар иттилоияи ин ниҳод омада буд, “пеш аз ҳодисаи осебгирии Мирзоев Шаҳбол дар вақти гӯштигирӣ Ғайратов ягон маротиба мавриди лату кӯб қарор надошт. Ҳолати бо теғ (лезва) буридани пойҳои Мирзоев Ш.Н. ҳам ба ҳақиқат наздикӣ надорад, танҳо баъди гирифтани осеб аз ҷониби табибон барои муайян кардани ҳискунии пойҳои ӯ бо сӯзан пай монда шудааст.”
Мӯҳр
Андешабой
“Ширинова он рӯз худсарона ҷои корро тарк накардааст, балки аз роҳбараш иҷозат гирифтаст. Баъдан, бори аввал чунин кор шудаасту ӯ кӯдаки 4-солаи бемор доштааст.” Бигзор оиди ин холат рохбари бевоситааш, ки Шириноваро чавоб додааст, чавоб гуяд ва у бояд ба чои Ширинова каси дигарро таъин мекард. Шояд дар холат ин ходисаи фавкулоддаи байни сарбозон рухдода пешгири мегардид. Вале афсус,ки аз такдир чои гурез нест. Ин ходиса эхтимол дар вакти касдан латукуб нею, дар вакти гуштингирии он ду сарбоз дар натичаи кувваозмоии онхо рух дода бошад.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)