21 авг 2014 14:48Тоҷикистон / Фарҳангу адаб

Симини Беҳбаҳониро нагузоштанд, дар канори Аржану Шомлу "бихуспад"

Мақомоти Эрон иҷоза надодаанд, ҷасади Симини Беҳбаҳонӣ дар оромгоҳи Имомзода Тоҳир дар Теҳрон ба хок супорида шавад. Дар ин бора ба расонаҳо Алии Беҳбаҳонӣ -- писари Симини Беҳбаҳонӣ хабар дода ва гуфтааст, “бар асоси қарори мақомот акнун пайкари шоир дар мазори хонаводагии Биҳишти Заҳро ба хок супурда хоҳад шуд”.

Фарзанди бонуи ғазали Эрон афзудааст, дар асл васияти модараш ин буд, ки ӯро дар оромгоҳи Имомзода Тоҳир бигӯронанд. “Васияти модар ин буд, ки дар канори наберааш -- Аржан ва дар канори нопадари ман -- марҳум Манучеҳр Кушёр қарор бигирад. Бахусус ки дӯстони адиб ва ҳунарманди эшон ҳама дар онҷо ҳастанд: аз Муртазо Ҳанонаву Аҳмад Шомлу то Ғизола Ализода ва Ҳушанг Гулшерӣ”,-афзудааст ӯ.

Маросими дафни Симини Беҳбаҳонӣ соати 9-и субҳи 22 август дар оромгоҳи Биҳишти Заҳро баргузор хоҳад шуд. Ӯ, ки чанд вақти ахир аз мушкили қалб ранҷ мебурд, дар синни 87-солагӣ дар Теҳрон даргузашт. Симини Беҳбаҳонӣ беш аз 63 навъи вазни навро дар шеъри форсӣ эҷод карда, ҳамчун “бонуи ғазали Эрон” маъруф аст. Ҳаводорони ашъори Симини Беҳбаҳонӣ дар Тоҷикистон ва Афғонистон ҳам кам нестанд.

Мӯҳр

Хабарҳои монанд:

Машок

Аз дасти муллохои ифроти не мурда дар кафан ороми дорау, не зинда дар Ватан.

Ҷавоб диҳед Иқтибос Шикоят

Абдулло

Инҳо мулло нестанд, сохтаи дасти инглисанд,ки тайи 35 сол обруи ирониву иронро билкулл аз байн бурдаанд ва миллати иронро аз чеҳраи воқеъии ислом мутанафир кардаанд.

Ҷавоб диҳед Иқтибос Шикоят

Бузургмехри Хаким

Бисёр гамгин шудам ва хастам, ин носипоси нисбати Симин бисёр бад аст ва фаромушношуданист. Хукумати Эрон аз ин кори худ бояд бисёр шарм дорад.

Ҷавоб диҳед Иқтибос Шикоят

Эзоҳ илова кунед