Русский  >>  فارسی  >>  Шанбе 3 декабр 2016, 09:44

Шумораи бесаводон дар ҷаҳон ба 1 миллиард наздик шуд

8 сентябр 2011, 11:00

Ирина Бокова, мудири кулли ЮНЕСКО, рўзи 8 –уми сентябр, ки ҳамасола дар тамоми ҷаҳон, ҳамчун рўзи паҳнсозии савод  ҷашн гирифта мешавад, аз ҳукуматҳои кишварҳои дунё, ташкилотҳои байналмилалӣ ва бахши хусусӣ даъват кардааст, то саводноккуниро  самти афзалиятноки фаъолияти худ қарор диҳанд.

Тибқи иттилои ЮНЕСКО , айни ҳол дар ҷаҳон 793 миллион мардуми калонсоли бесавод, асосан занону духтарон умр ба сар бурда истодаанд. 67 миллион нафар кўдакони синни мактабӣ ҳатто бо таълими ибтидоӣ фарогир нашудаанд. Инчунин 72 миллион наврас имкон надоранд, ҳуқуқи худро ба таҳсил амалӣ созанд.

Тибқи иттилои Созмони милали муттаҳид, зиёда аз нисф, 51,8% -и калонсолони бесаводи ҷаҳон дар Осиёи ҷанубӣ зиндагӣ мекунанд. 21,4% дар кишварҳои африқоии ҷанубтар аз саҳрои Кабир, 12,8% дар кишварҳои Осиёи шарқӣ ва кишварҳои уқёнуси Ором, 7,6% дар кишварҳои араб, 4,6% дар Амрикои лотинӣ, 2 % дар кишварҳои Америкаи шимолӣ, Аврупо ва Осиёи Марказӣ умр ба сар бурда истодаанд.

Дар 11 кишвари дунё, -  Бенин, Буркино – Фасо, Гаити, Мали, Ҳабашистон, Сенегал, Серра Леон, Чад ва Эфиопия зиёда аз 50 % - и сокинони калонсолашон бесавод мебошанд.

Рўзи байналмилалии саводнокӣ, соли 1966 аз ҷониби ЮНЕСКО бо пешниҳоди «Конфронси байналмилалии вазирони маориф оид ба маҳви бесаводӣ», ки дар Теҳрон баргузор шуда буд, эълон гардид.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!