Фаъолияти аҳзоби сиёсӣ дар Тоҷикистон мавриди таҳлил қарор мегирад

«Танзими ҳуқуқии фаъолияти аҳзоби сиёсӣ ва иштироки занон дар ҳаёти сиёсии Тоҷикистон».

Таҳти чунин унвон фардо (20-уми сентябр) ҳамойиши вижаи коршиносон ва таҳлилгарон сурат мепазирад. Ин конфронс дар қароргоҳи дафтари душанбегии САҲА ҷараён гирифта, мубаткири аслии он Анҷумани миллии сиёсатшиносони Тоҷикистон ва намояндагии институтҳои демократӣ ва ҳуқуқи башар мебошанд.

 

Тибқи иттилои Абдуғанӣ Маҳмадазимов, раиси Анҷумани миллии сиёсатшиносони Тоҷикистон дар ин ҳамойиш роҳбари дафтари САҲА дар Тоҷикистон Ивар Вики, директори МТС Сӯҳроб Шарипов, сарвари Ассотсиатсияи созмони ғайриҳукуматӣ доир ба гендер ва пешгирии зӯроварӣ нисбат ба занон Алла Қувватова ва дигар намояндони вазорату идораҳо ширкат ва суханронӣ хоҳанд кард.

Гуфтанист, таҳлили фаъолияти аҳзоби сиёсӣ, ҳамкории миёни онҳо ва тақвият бахшидани ҳамкории аҳзоби сиёсӣ ва ҳукумат аз ҳадафи аслии баргузории ҳамойиши навбатист.

Мӯҳр