06 янв 2015 11:11Тоҷикистон / Дин ва зиндагӣ

Кумитаи дин: 2896 тоҷикро баргардондему 158 нафарашон ҳанӯз дар хориҷанд

Кумита оид ба корҳои дин, танзими анъана ва ҷашну маросимҳои миллии Тоҷикистон мегӯяд, дар ҳоли ҳозир 158 шаҳрванди кишвар дар хориҷ ба таҳсили ғайрирасмии динӣ машғуланд.

Тавре масъулини кумита дар нишасти хабарии ин ниҳод рӯзи 6 январ дар шаҳри Душанбе хабар доданд, теъдоди шаҳрвандони Тоҷикистон, ки дар хориҷ аз кишвар ғайрирасмӣ таълимоти динӣ мегирифтанд, 3 ҳазору 54 нафарро ташкил медод. Ба қавли онҳо, дар натиҷаи “андешидани чораҳои зарурӣ дар маҷмӯъ 2896 нафари онҳо ба Ватан баргардонида шуданд.”

Тибқи иттилои масъулини Кумитаи дин, дар соли сипаришуда 23 иттиҳодияи динӣ дар қаламрави кишвар ба қайд гирифта шудааст, ки аз ин нишондод, як ташкилоти динии Кумитаи рушди ҷамоатхонаҳои шиаи имомии исмоилӣ, як масҷиди ҷомеи марказӣ, чор масҷиди ҷомеъ ва 17 масҷиди панҷвақта мебошад.

Масъулини Кумитаи дин шумораи боз шудани парвандаҳо дар робита ба нақзи талаботи қонуни ҷумҳурии Тоҷикистон “Дар бораи танзими анъана ва ҷашну маросимҳо дар ҷумҳурии Тоҷикистон”-ро 567 адад эълон намуданд, ки аз ин нишондод 15 ададаш зимни баррасӣ қатъ гардидаанд. Ба иттилои манбаъ, аз ҳама бештар риоя нашудани талаботи ин қонун дар вилояти Суғд ба қайд гирифта шудааст: “Дар вилояти Хатлон 161, вилояти Суғд 209, шаҳри Душанбе 81, вилояти Бадахшон 12 ва дар шаҳру навоҳи тобеи марказ 104-то ба қайд гирифта шудааст”.

Мӯҳр

Хабарҳои монанд:

Ризомахмад

Баракат ба касбу кори Кумитаи дин. Агар Кумита назората аз болои танзими анъана ва чашну маросимҳо боз сахтар гирад, чи кадар ба миллат манфиатовар ва дар рохи Худошиноси савоби бузург аст.

Ҷавоб диҳед Иқтибос Шикоят

786 Кулоб

786
Салом миллат ва салом бачахои кумитаи дин, хаста набошен, Худо кувват. ИншоАллох бо хавлукувати Илохи шумо бтонен хизмати хакро кунену миллат ва мардумро аз саргардони ва изтироб бирахонену аз тероризми чахони давлати терористии доиш мардум ва фарзандонашонро огох кунен ва начот тиен бо кумаки Аллох. Мо хам барои дарчои худ карор гирифтани ХАК, дуо мекунем.

Ҷавоб диҳед Иқтибос Шикоят

Эзоҳ илова кунед