Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 72 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/modules/show.full.php on line 343 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 60 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/comments.class.php on line 205 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/comments.class.php on line 205 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 60 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 64 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 60 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 64 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 72 Deprecated: preg_replace(): The /e modifier is deprecated, use preg_replace_callback instead in /home/ozodagon/public_html/engine/classes/templates.class.php on line 104 Суханҳои охирини Қудратов: Аз монтажу сабтҳои ғайриқонунӣ то мусодираи амвол » Озодагон
Русский  >>  فارسی  >>  Душанбе 17 феврал 2020, 11:54

Суханҳои охирини Қудратов: Аз монтажу сабтҳои ғайриқонунӣ то мусодираи амвол

12 январ 2015, 12:13

Шуҳрат Қудратов, ҳуқуқшиноси муттаҳам дар қаллобию порадиҳӣ имрӯз, 12 январ зимни ироаи сухани ниҳоияш дар Додгоҳи Душанбе хост, тафтишоти судии парвандааш аз сар гирифта шавад, чун ҷузъиёти он дар рафти мурофиа пурра омӯхта нашудаанд.

Раисикунандаи мурофиа посух дод, ки ин дархостро дар хонаи машваратӣ меомӯзад. Дар идома Қудратов иттиҳоми порадиҳиро алайҳи худ беасос хонда, изҳор дошт, ки боре ҳам аз пора суҳбат накардааст. Ӯ аз додрас хост 6 сабти суҳбатҳояшро, ки дар парванда ҷой доранд, омӯхта бинад, ки дар ягон ҷо ӯ дар бораи пул суҳбат накардааст ва мафҳуми пораро низ кор набурдааст: “Инчунин омӯхта шавад, ки дар сабтҳо суханҳои маро бурида мантаж кардаанд. Ба он низ таваҷҷуҳ шавад, ки сабти суҳбатҳои ман ғайриқонунӣ сурат гирифтааст, чун санади судӣ барои ин кор вуҷуд надорад.”

Қудратов изҳор дошт, худи Шерзод Низамов, додраси ноҳияи Исмоили Сомонӣ низ иқрор кардааст, ки ба ӯ пора пешниҳод накард, танҳо изҳор доштаам, хизмат мекунам: “Дар баёноти Низамов низ мухолифат дида мешавад. Дар як ҷо гуфтааст, ки намедонад, зери мафҳуми хизмат ман чиро дар назар доштам, дар як ҷои дигар ба ин суол посух додааст, ки пайхас бурдааст, ки ба ӯ пул доданӣ будаам.”

Ӯ инчунин аз айбдоркунандаи давлатӣ эърод гирифтааст, ки нишондодҳои раиси ширкати “Пайванд”-ро ба назар нагирифтааст, ки баёноти Қудратовро тасдиқ мекунанд. Инчунин аз он изҳори норозигӣ кард, ки мусодираи молу амволаш талаб карда шудааст: “Ақаллан исбот кунанд, ки телефони ман, ки ба сифати далели шайъӣ гирифта шудааст ва ё мошинам, ки дар ҳабс қарор дорад, бо роҳи ҷиноӣ ба даст омадаанд.”

Қудратов аз додгоҳ хост, парванда алайҳи ӯро аз рӯи моддаи порадиҳӣ қатъ кунад, чун дар аъмолаш таркиби ҷиноят дида намешавад.

Дар мавриди даъвои Турабек Охунов, ки Қудратовро барои аз худ кардани 7 ҳазор доллари амрикоӣ муттаҳам мекард, айбдоршаванда илова намуд, гарчанде аз Охунов маошашро гирифтааст, хешутабораш то ҳол маблағи мавриди даъвои Охуновро пардохт кардаанд. Ӯ аз додрас хост, ба ин масъала низ баҳои ҳуқуқӣ дода шавад.

Дар пайи шунидани сухани ниҳоӣ додраси парванда изҳор дошт, қарорашро фардо, 13 январ эълон хоҳад кард ва ба хонаи машваратӣ рафт.
Қаблан айбдоркунандаи давлатӣ аз додрас хост, Қудратовро ба 11 соли зиндони низомаш сахт маҳкум созад ва бо назардошти қонуни афв аз се як ҳиссаи ин муҳлатро кам кунад. Аммо Раҳматилло Зоиров, вакили дифои Шуҳрат Қудратов дар Додгоҳи Душанбе ҳар ду парвандаи ҷиноиро алайҳи зерҳимояаш сохта ва фармоишӣ хонда, аз додрас озодияшро талаб кард.

Қудратов аз рӯи моддаи 320 дар он айбдор мешавад, ки барои сафед кардани зерҳимояаш - Амиралӣ Суламаев аз ӯ гӯиё 2 ҳазор доллар талаб карда, гуфтааст, ин маблағро ба судя медиҳад. Амиралӣ Суламаев як ҳамҷавобгар будааст, ки ҳамроҳ бо Парвиз Бадалов дар расондани зарари молӣ ба ширкати “Пайванд” айбдор мешудаанд. Аммо Қудратов иддао дорад, ин маблағҳо барои пардохти ҷуброн ба ҷабрдида - раиси ширкати “Пайванд” пешбинӣ шуда буданд.

Инчунин Қудратов аз рӯи моддаи 247-и Кодекси ҷиноӣ дар қаллобӣ муттаҳам мешавад. Турабек Охунов қаблан иддао дошт, Қудратов зимни ҳимояи ҳуқуқҳои бародараш - собиқ раиси ширкати "Мовароуннаҳр" - Ҷурабек Охунов, 7 ҳазор доллари амрикоияшонро гирифта, то ҳол барнагардондааст. Тибқи баромади айбдоркунандаи давлатӣ Турабек Охунов бо Қудратов дар барои ҳимояи ҳуқуқи бародари боздоштшудааш, Ҷурабек Охунов созиш карда, ҳаққи ҳармоҳаи вакили дифоъро 500 доллари амрикоӣ муайян намудаанд: “Аммо моҳи сентябри соли 2012 Қудратов аз Охуновҳо боз 10 ҳазор доллари амрикоӣ талаб кардааст. Ба ӯ 8 ҳазор доллар додаанд, ки баъдан ҳазор доллари онро баргардонда, 7 ҳазор доллари дигарро ба манфиати худ истифода кардааст.”

Дар мурофиаи рӯзи 24 декабр Турабек Охунов зимни шоҳидияш дар додгоҳ баён дошт, ки аз даъвояш алайҳи Қудратов даст кашид ва маблағҳоро низ бахшидааст. Охунов дар шарҳи ин тасмимаш ба “Озодагон” гуфт, “ман ҳоли Қудратовро дида ва фикри зану фарзандонашро карда, аз даъвоям даст кашидам.”


Шарҳи худро бинависед:

Ном:*
E-Mail:
Матни шарҳ:
Посух додан
  • судя

  • 12 январ 2015 13:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
сад фоиз суд меши доду вой накун. ин суди Точикистонай
Посух додан
  • Каша

  • 13 январ 2015 08:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Баъзе Адвокатхоро намефахми, ки вазифаашон миёнравиу брокери ё хизмати хукуки расонидан.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!