Русский  >>  فارسی  >>  Панҷшанбе 24 январ 2019, 10:15

Дар Душанбе “Розҳои оиладорӣ”-и Дилафрӯзро муаррифӣ мекунанд

12 феврал 2015, 07:18

Ҷумъаи 13 феврал дар Китобхонаи миллии Тоҷикистон рӯнамоии китоби “Розҳои оиладорӣ”-и нависандаи ҷавон Дилафрӯзи Қурбонӣ баргузор мешавад. Ҳамроҳ бо ин рӯнамоӣ маҳфили “Фарҳанги оиладорӣ” низ оғоз ба кор хоҳад кард.

“Розҳои оиладорӣ” ба гуфтаи муаллифаш ба манзури огоҳии бештар ёфтани ҷавонон дар бораи интихоби ҳамсари шоиста мунташир шудааст. Он ба унвони дастур, роҳнамо ва маслиҳатгари беминнат барои насли ҷавон муаррифӣ мешавад. Китоб аз 13 бахш, назири “Эътимоду бовар”, “Қадршиносӣ”, “Парҳез аз айбҷӯӣ”, “Ҳамбистарӣ”, “Фарзанддорӣ”, “Талоқ” иборат буда, ба иддаои муаллиф дар асоси далелу мисолҳои возеҳ, аз нигоҳи мақоми оила дар ҷомеаи имрӯза иншо шудаанд.

Дилафрӯз Қурбонӣ (Қурбонова Дилафрӯз Авазовна) 2 июли соли 1981 ба дунё омадаст. Ӯ Қуръоннома ва гузидаи ашъори Ҷомӣ бо унвони “Ҷуръае аз ҷом”-ро аз форсӣ ба хатти сириллик баргардон кардааст. Мураттиб ва таҳиякунандаи китоби хотироти шифоҳии академик Муҳаммадҷони Шакурӣ -- “Ҳикоятҳои оканда аз ҳаёт”, китоби “Мӯйсафед”-и Аминии Деҳақӣ (Эрон), баргардон ва бознависӣ аз форсӣ ба сириллик, “Шоҳмот бо мошини қиёмат”-и Ҳабиб Аҳмадзода (Эрон) баргардон ва бознависӣ аз форсӣ ба сириллик буда, муаллифи китобҳои “Китоби орзуҳо” ва “Се нуқта” мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!