Порае аз намоишномаи “Дон Жуан”-и Барзу дар Қирғизистон (ВИДЕО)
Аксар сокинони шаҳри Бишкек аз тамошои намоишномаи “Дон Жуан”-и Барзу Абдураззоқов , коргардони шинохтаи тоҷик, ки ҳоло дар Қирғизистон ба сар мебарад, изҳори қаноатмандӣ карданд. Ин намоишнома, ки аз рӯи асари Молйер омода шудааст, тӯли се рӯз - аз 18 то 20 апрел - дар театри миллии ба номи Чингиз Айтматов нишон дода шуд. Теъдоди зиёди сокинон аз қабл билети онро харида буданд ва ба ин далел бархе ҳам берун аз толори театр монданд. Ба ҳамкори мо имкон даст дод, чанд пора аз ин намоишномаро сабт кунад, ки дар зер бароятон пешниҳод мекунем. Барзу Абдураззоқов дар охири моҳи январи соли ҷорӣ Тоҷикистонро ба қасди Қирғизистон тарк кард ва наздикони ӯ гуфтанд, Барзу барои кор ва зиндагӣ ба шаҳри Бишкек рафтааст. Далели тарки Тоҷикистон кардани коргардони маъруфро ба он рабт доданд, ки дар театрҳои кишвар ӯро ба кор нагирифтаанд. Абдураззоқов яке аз коргардонҳои шинохтаи Тоҷикистон аст, ки дар гузашта раҳбарии Театри ба номи Камоли Хуҷандӣ ва Театри ҷавонон ба номи Маҳмуди Воҳид дар Тоҷикистонро ба уҳда дошт. VIDEO
VIDEO
Мӯҳр