Президент гуфт, “дипломи хушку холӣ додан даркор нест" (ВИДЕО)
Эмомалӣ Раҳмон, раисиҷумҳури Тоҷикистон, ҳангоми ироаи паёми солонааш ба аъзои Маҷлиси Олӣ аз волидон хост, барои тарбияи фарзандони худ ҳеч чизро дареғ надоранд. “Назди касе наравед, фақат ба тарбияи фарзанд аз хурдӣ аҳамият диҳед”,-таъкид дошт ӯ.
Худи раисиҷумҳур гуфт, шахсан ба волидон муроҷиат мекунад, ки “ба фарзанд тамоми шароитро таъмин кунед, хонад. Дигар баъд аз хатм донишу савод дошта бошад, мушкил пеш намеояд. Ба пеши ягон омӯзгор гардан каҷ намекунед. Ёд нодуруст?” Вай афзуд, давлат барои соҳаи маориф ҳарчӣ аз адсташ меояд, мекунад. “Падару модарон сахтӣ накунед. Касе карда истодааст, давлату соҳибкорон, ҷавонони мо ба ору номусанд. Ҷавонони имрӯзаи мо он ҷавонони 10 солу 15 соли пеш нестанд”,-гуфт раисиҷумҳур.
Раисиҷумҳури Тоҷикистон аз он изҳори ташвиш кард, ки ҳарчанд мақомот таҷҳизоти муосири ҷаҳониро дастрасу насб кардаанд, вале барои истифодаи он мутахассис надоранд. “Беҳтарин таҷҳизот дар соҳаи тандурустиро дастрас кардаеам, аммо мутахассис нест”,-гуфт ӯ. Вай илова кард, “дипломи хушку холӣ додан даркор нест. Мутахассис омода кардан зарур аст. Бозомузӣ кунад, агар намекунад, барои ҷавонони хуб ҷойро холӣ кунад. Содиқона ба Ватан хидмат кунед, сарфи назар аз он ки чӣ андеша доред, ман Шуморо эҳтиром мекунам.”
Мӯҳр