19 фев 2015 15:56Тоҷикистон / Сиёсат / Тема дня

Муҳокимаи барканории ноибони Раҳмонов дар Маҷлиси миллӣ

Маҷлиси миллӣ -- палатаи болоии парлумони Тоҷикистон 5 март барканории Абдуқодир Муҳаммадиев, муовини аввал, Ҳабибуло Воҳидов, Абдурашид Кишварзода, муовинон ва Хайрулло Саидов, муовини прокурори генералӣ -- Сарпрокурори ҳарбии Тоҷикистонро баррасӣ хоҳад кард.

Тавре манобеи “Озодагон” аз ҳукумати Тоҷикистон иттилоъ доданд, Эмомалӣ Раҳмон, раисиҷумҳури Тоҷикистон 18 феврал санади барканории муовинони Додситони куллро пешниҳод намуд ва дар назар аст, ин масъала дар ҷаласаи охирони Маҷлиси миллӣ, ки 5 март баргузор мешавад, баррасӣ гардад.

Ин барканориҳо дар пайи интиқодоти президенти Тоҷикистон Эмомалӣ Раҳмон дар ҷаласаи Шӯрои амният аз фаъолияти додситонии кулл ва дигар мақомоти ҳифзи ҳуқуқ сурат мегиранд. Раисиҷумҳур дар ин ҷаласа, ки 17 феврал баргузор шуд, дастур дод, тамоми муовинон ва додситонҳои вилоятҳои Тоҷикистон аз мақомашон барканор шаванд.

Дар пайи ин дастур Юсуф Раҳмонов, додситони кулли Тоҷикистон 18 феврал Мирзошариф Шарифзода - додситони шаҳри Душанбе, Муҳаммадхоҷа Арбобов, додситони вилояти Бадахшон, генерал-майори адлия Шариф Қурбонзода - додситони вилояти Суғд ва Сироҷиддин Нурзода - додситони вилояти Хатлонро аз мақомашон барканор намуд.

Ҳудуди як моҳ қабл Эмомалӣ Раҳмон фармони аз вазифа озод кардани Додситони кулл -- Шерхон Салимзодаро содир намуд, ки аз 30 январи соли 2010 ин курсиро дар ихтиёр дошт.

Мӯҳр

Хабарҳои монанд:

Забоншинос

Идораи мухтарами Озодагон! Ба фикрам, дар сарлавхаи маводи мазкури иттилооти нисбат ба калимаи "бахс" е калимаи "мухокима" е калимаи "барраси" бояд истифода мешуд.

Ҷавоб диҳед Иқтибос Шикоят

Забоншинос, Ташаккур

Ҷавоб диҳед Иқтибос Шикоят

Зоиров

Салом! Ба кулли хомиёни ватан, мехмонон ва хамдиёрони азиз. Мехостам перомуни ин хама тагиротхо фикри худро чанд руз пеш нависам. Аммо аз навиштани номахо чи суд ба чуз дарди худро ба худ гуфтан. Чанд сатр мегуям"Ин хам як мазхакаи пеш аз интихоботи мебошад. Мардум фирефта нашавед, зеро дар чойи ин мухтарамон, боз мухтарамон меоянду халос, Чун ояндаи ТОЧИКИСТОН дурахшон аст, то рузе, ки ман хастам не, оянда".

Ҷавоб диҳед Иқтибос Шикоят

Эзоҳ илова кунед