Сериали нави русӣ: Қазия дар Тоҷикистон (АКС)
Дар Русия шоми 23 феврал нахустнамоиши мелодрамаи бисёрсериягии “Весной расцветает любовь” баргузор шуд, ки қисмате аз ҳаводиси он дар Тоҷикистон рух додаанд. Ҳаводиси ин филм, ки аз 20 серия иборат буда, тариқи шабакаи "Русия" пахш мешавад, чуниин сурат мегирад:
Весна, қаҳрамони асосии филм, ки нақши онро Даря Егорова офаридааст, дар аввал ҳамсар ва модари хушбахт мебошад. Шавҳари ӯ -Игор (Алексей Янин) бо тоҷирони тоҷик дар мавриди тиҷорати қолин созиш мекунад ва бояд якҷоя бо Весна барои мулоқот ба Душанбе раванд. Аммо Игор бемор мешаваду зану шавҳар қарор мекунанд, Весна танҳо барои мулоқот ба Душанбе биравад. Весна дар қатори Маскав-Душанбе дар наздикиҳои пойтахти Тоҷикистон ҳадафи ҳамла қарор мегирад ва ӯро аз вагон берун мепартоянд.
Чӯпоне Веснаро пайдо карда, ба беморхонаи маҳаллӣ мебарад. Дилсӯз - ҳамшираи шафқати солхӯрдаи ин беморхона дар бадани Весна захмеро дида, ӯро духтари гумшудааш - Баҳор мепиндорад. Ӯ бо шавҳараш Баҳорро, ки нутқу хотираашро аз даст дода буд, ба хонаашон мебаранд ва ба по мехезонанд.
Весна баъди ду сол пурра сиҳат шуда, бо номи тоҷикияш - Баҳор Сангалиева ба Маскав бармегардад. Дарҳол ба хона, назди шавҳару фарзандаш - Серёжа мешитобад, вале дармеёбад, онҳо ҷои иқоматро тағйир додаанд. Баъди ҷустуҷӯҳо Весна шавҳарашро дар хонаи дугонааш - Марина меёбад. Игор, шавҳараш вонамуд мекунад, ки зани собиқашро нашинохт ва ба муҳофизон амр мекунад, ӯро аз дарвоза берун кунанд. Вақте Маринаро меёбад, ӯ низ тавре рафтор мекунад, ки гӯиё бори аввал Веснаро дидааст.
Дар пайи ин ҳаводис Весна пай мебарад, ки дар пушти фоҷиаи азсаргузарондааш, шавҳару дугонааш меистанд ва таҳқиқоти худро оғоз мекунад, то асли қазияро муайян намояд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |