Русский  >>  فارسی  >>  Шанбе 3 декабр 2016, 20:36

Хотираи ҷопониҳоро дар Данғараву Кӯлоб пос медоранд

27 сентябр 2011, 11:36

Абдуҷаббор Раҳмонов, вазири маориф ба  ноҳияи Данғара ва шаҳри Кӯлоби вилояти Хатлон сафари корӣ анҷом дод.


Тавре ба «Озодагон» аз дафтари матбуотии ин вазорат иттилоъ доданд, ҷаноби Раҳмоновро дар ин сафар Йошихиро Накоямӣ, сафири Ҷопон дар Тоҷикистон, Иида Сан, намояндаи агентии ҳамкориҳои байналмилалии Ҷопон, Ғуломҷон Бобозода, сафири Тоҷикистон дар Ҷопон ва Олим Раҳимов, мудири шӯъбаи робита бо кишварҳои хориҷии дастгоҳи иҷроияи президент ҳамроҳӣ намуданд. Дар филиали донишгоҳи аграрии ноҳияи Данғара меҳмононро устодону донишҷӯён ва хонандагони литсейи касбии саноати кишоварзии ба номи Ютако Акинои ноҳияи Данғара пешвоз гирифтанд.

Манбаъ афзуд, раиси ноҳияи Данғара М. Саидалиев меҳмононро хайрамақдам гуфта, аз рушди ҳамкориҳои судманди давлати Ҷопон ва Тоҷикистон бахусус, иқдомоти ин кишвар дар ноҳияи Данғара суханронӣ намуд. Аз ҷумла таъкид намуд, ки боиси ифтихор аст, ки яке аз муассисаҳои таълимии ноҳия ба номи фарзанди баруманди Ҷопон, профессор Ютако Акино номгузорӣ шудааст.   Зимнан, омӯзгорон ва шогирдони литсейи касбӣ низ аз фаъолияти илмӣ ва давлатии ин шахсияти сулҳдӯст, ки дар давраи ҷанги шаҳрвандии Тоҷикистон дар синни 38-солагӣ ба ҳалокат расидааст нақл карданд.

Меҳмонони ҷопонӣ таъкид карданд, ки тавассути  агентии ҳамкориҳои байналмилалии ин кишвар, имрӯз дар Тоҷикистон дар мавриди роҳсозӣ, таъминот бо оби нӯшокӣ ваа ҳамкориҳои гуманитарӣ бахусус, таҳсили шаҳрвандони тоҷик дар муассисаҳои таҳсилоти олии касбии Ҷопон як қатор лоиҳаҳо амалӣ шуда истодаанд ва минбаъд низ онҳо идома меёбанд. Ҳамчунин, дар шаҳри Кӯлоб низ меҳмононро хонандагону сокинон бо самимият пешвоз гирифта, дар саҳни мактаб-интернати ёрирасони рақами 1-и шаҳри Кӯлоб ба хотири номгузории муассисаи мазкур ба номи президенти агентии Ҷопон оид ба ҳамкориҳои байналмилалӣ Садако Огато  маросими пардабардорӣ аз лавҳаи ёдгорӣ баргузор шуд. Дар анҷом меҳмонон бо  шароити таълиму тарбия ва хобгоҳи мактаб-интернати ёрирасони рақами 1-и шаҳри Кӯлоб ба номи Садако Огато  ошноӣ пайдо карданд ва таъкид гардид, ки оянда барои таҳкими пояҳои моддию техникии он чораҳои амалӣ андешида мешавад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!