03 мар 2015 10:17Тоҷикистон / Иҷтимоӣ / Тема дня

Сактаи қалб ва даргузашти Юсуфбеков дар пеши “ЦУМ”(АКС)

Суҳроб Юсуфбеков, ки вақтҳои охир вазифаи муовини директори Муассисаи давлатии «Театри давлатии драмавии русии ба номи Владимир Маяковский» -ро уҳда дошт, субҳи имрӯз, 3-юми март бар асари сактаи қалб дар пеши Фурӯшгоҳи марказии пойтахт (ЦУМ) даргузашт.

Тавре наздикони Юсуфбеков ба “Озодагон” иттилоъ доданд, ӯ аз қабл ҳам аз дарди дил азият мекашид. Шоҳидони ҳодиса мегӯянд, Юсуфбеков ҳангоми ҳаракат дар роҳи пиёдагарди пеши Фурӯшгоҳи марказӣ аз дилаш қапида, баъдан аз оҳани канори зинапоя доштааст: “Аммо худашро нигоҳ дошта натавонист ва якбора ба замин зад. Мо наздаш рафтем, доруи дар кисааш бударо ба даҳонаш мондем, аммо натавонистем, ӯро наҷот диҳем”.

Як зане, ки аз аввалин шуда ба ёрии Юсуфбеков шитофтааст, аз он изҳори таассуф намуд, ки табиб нест ва натавонист, саривақт ба ниёзманд кӯмак кунад: “Ба ёрии тиббии таъҷилӣ занг задем, хеле дер, қариб ним соат пас омад”.

Ҳайати “Озодагон” дар робита ба даргузашти Юсуфбеков ба наздиконаш ҳамдардӣ баён намуда, аз даргоҳи Худованд барояшон сабри ҷамил хоҳон аст.

Мӯҳр

Хабарҳои монанд:

Фарход

Дар дигар давлатхои пещрафтаву демократи дар ин ходиса барои дер омадани скори аз вазир то поёна бояд чавоб гууяд аммо сад афсус ки президенти мо одами хуб ки хаст ахамият намедихад.Ва ин обруи хукуматро паст мекунад.

Ҷавоб диҳед Иқтибос Шикоят

патриот

Худо рахмат кунад ин бандаашро, барои хамин эй мардум ва махсусан мансабдорон аз даргузашти ногахонии ин шахс камтар битарсед. Тарсидан ба маънои он, ки аз ин дунёи хасти ягон кас бо худ чизеро ва вазифаеро набурдааст, бинобар ин дар кадом вакт ва холат мову шумо аз ин дунё мегузарем Худо худаш медонад.

Ҷавоб диҳед Иқтибос Шикоят

Хайрон

Озодагон, Точнюс ва Фараж вактхои охир беморхонаи Ибни Синоро кариб ки хар хафта реклама мекунед, лекин як бор агар ба акс нигох кунед ин беморхона дар ду ё се дакика рох мебошад аз чойи ходиса вале гуё надидасту нафахмидаст, чунки ин марди рахмати пул надорад ва шояд онхо гуянд ки страховка кардан даркор буд аз пеш???
Дар инчо ёрии таъчили не, балки ана хамин ибни синои ТАЪРИФИ гунахгор аст!!!

Ҷавоб диҳед Иқтибос Шикоят

Эзоҳ илова кунед