Бахшҳо
27 мар 2015 17:00Тоҷикистон / Сиёсат

Эмомалӣ Раҳмон: Тоҷиконро аз Яман ба ҷои бехавф баред

Эмомалӣ Раҳмон, раисиҷумҳури Тоҷикистон ба тамоми сафоратхона ва намояндагиҳои кишвар дар давлатҳои арабӣ дастур додааст, то барои берун овардани тоҷикони муқими Яман талош кунанд.

Абулфайз Атоев, сардори Раёсати иттилоот, таҳлил ва тарҳрезии Вазорати корҳои хориҷии Тоҷикистон, рӯзи 27 март бо таъйиди ин хабар дар суҳбат бо “Озодагон” гуфт, бо дастури Эмомалӣ Раҳмон тамоми намояндагиҳои дипломатию консулии кишвар дар давлатҳои арабӣ, аз ҷумла дар Шоҳигарии Арабистони Саудӣ, Қатар, Кувайт, Амороти Муттаҳидаи Араб ва Миср вазифадор шудаанд, барои берун овардани тоҷикони муқими Яман аз тамоми имкониятҳои худ истифода кунанд. Ба гуфтаи Атоев, раисҷумҳури Тоҷикистон дастур додааст, то “сафоратхонаҳои кишвар дар давлатҳои мазкур барои таъмини амнияти тоҷикони муқими Яман ва баровардани онҳо аз ин кишвар, ки дар ҳоли ҳозир ноором аст, чораҳои зарурӣ андешанд ва бо ниҳодҳои дахлдори ин кишварҳо ҳамкории лозимаро анҷом диҳанд”.

Ин дастури Эмомалӣ Раҳмон дар ҳолест, ки дар пайи оғоз шудани ҳамлаҳои ҳавоии Арабистони Саудӣ бо муттаҳидонаш ба Яман тоҷикони муқими ин кишвар аз ҳукумати Тоҷикистон хостанд, онҳоро ҳарчи зудтар бароранд, чун ҷонашон дар хатар қарор дорад.

Абулфайз Атоев, мегӯяд, ниҳоди онҳо аз роҳҳои дипломатӣ ва ҳамкорӣ бо ширкатҳои русӣ, ки шаҳрвандони кишварро барои кор ба Яман ҷалб кардаанд, ба ҳалли ин масъала машғул мебошад. Ба гуфтаи Атоев, масъулини Вазорати умури хориҷии Тоҷикистон алакай бо ширкатҳои русӣ тамос гирифта, дар пайи муайян кардани теъдоди дақиқи тоҷикони муқими Яман ва нақшаи берун баровардани онҳо аз роҳҳои дипломатӣ мебошанд: “Ҳоло мо корро шурӯъ кардаем ва талош дорем ҳарчӣ зудтар онҳоро аз роҳҳои дипломатӣ аз Яман берун орем. Албатта мушкил инҷо аст, ки онҳо бидуни мувофиқа бо мо тавассути ширкатҳои русӣ барои кор ба Яман рафтаанд ва ҳоло мо теъдоди дақиқи онҳоро гуфта наметавонем”.

Оқои Атоев афзуд, бо вуҷуди он ки шаҳрвандони кишвар бо вуҷуди ҳушдорҳои пайвастаи вазорат ва бидуни мувофиқа бо ин ниҳод озими Яман шудаанд, ҷониби Тоҷикистон бо ҳар васила барои аз қаламрави он кишвари дар ҳоли ҳозир ноамн берун карданашон талош мекунад.

Ҳамлаҳои низомии ҳавоии Арабистони Саудӣ, ки онро лигаи кишварҳои арабӣ ва Амрико ҷонибдорӣ менамоянд, рӯзи 26 марти соли равон замоне шурӯъ гардид, ки нерӯҳои қабилаи шиаҳои ҳусӣ давлат ва ҳукумати ин кишварро ғасб карданд.
Мӯҳр
Робен Гуд
Дар яман точик кам Аввал шумо коре кунед 1 милон мухочирро чои бе хатар баред хатаре ки болои точикон дар руссия аст дар ягочо нест Худатонро ин кадар дил суз мегиред бахшиши

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)