16 апр 2015 12:53Тоҷикистон / Сиёсат

37 ҳазор сомонии Убайдуллоев ба се афсари "хуб"-и милиса

Маҳмадсаид Убайдуллоев, раиси шаҳри Душанбе ба Абдухалил Убайдов, ки дар озмуни «Беҳтарин нозири минтақавии сол» ҷои аввалро ишғол намудааст, 15 ҳазор сомонӣ ҷудо кардааст.

Тибқи иттилои дафтари матбуоти шаҳрдорӣ, ин озмун бо мақсади баланд бардоштани нақши нозирони минтақавии милитсия дар таъмини тартиботи ҷамъиятӣ, амнияти шаҳрвандон, ошкор ва пешгирӣ намудани ҳуқуқвайронкунӣ доир гардидааст.

Манбаъ мегӯяд, Абдухалил Убайдов, майори милитсия, сардори минтақаи хизматии милитсияи №27, шуъбачаи ҳифзи тартиботи ҷамъиятии шуъбаи Вазорати умури дохилӣ-2 дар ноҳияи Синои пойтахт мебошад.

Дар ин озмун Абубакр Муродализода, ҷои дуюм ва Илҳомиддин Идиев, мақоми сеюмро соҳиб шудаанд, ки ҳарду капитани милитсия буда, ба Муродализода 12 ҳазор сомонӣ ва ба Идиев 10 ҳазор сомонӣ ҷудо шудааст.

Ба иттилои манбаъ, Маҳмадсаид Убайдуллоев иброз доштааст, ки ба ҳар як ғолиби озмун шаҳодатномаи Мақомоти иҷроияи маҳаллии ҳокимияти давлатӣ дар шаҳри Душанбе дар Рӯзи пойтахт, ки 17-уми апрел таҷлил мешавад, ба таври тантанавӣ супорида мешавад.

Маҳмадсаид Убайдуллоев сарраёсати молияи шаҳри Душанберо муваззаф намудааст, ки аз ҳисоби маблағҳои фонди захиравии Раиси шаҳри Душанбе 37 ҳазор сомониро барои пардохти мукофотпулӣ барои ғолибони озмун ҷудо намояд.

Мӯҳр

Хабарҳои монанд:

Истиклол

Офарин М.Умайдуллоев хакикатан кори хуб намудед, ки нозирони минтакавиро бо кумаки молиявию шаходатнома мукофотонидед, ки хамин нозирони минтакавии шабу руз фаъолият намуда хукуку тартиботро дар чомеа хифз менамоянд. Ташаккури зиёд ба Шумо

Ҷавоб диҳед Иқтибос Шикоят

Салимчон

Давно пора различать 2 очень важные вещи;
1. Когда какой- то чиновник окажет помощь из своего кармана.
2. когда помощь или премия идет не из кармана чиновника, а из госбюджета, то есть из нашего кармана- налогоплательщиков. Если премия предоставлено из госбюджета, то причем здесь Убайдуллаев? Надо написать проста из госбюджета городского Хукумата. То есть 37 тысячи сомони городского органа власти а не лично Убайдуллаева, как Вы неправильно отметили в заголовке.

Ҷавоб диҳед Иқтибос Шикоят

донишчу

И одам пулу моли миллати точика хурдаги асту холиям хурдестай, аку чихел шидай ки як одоми дигара мукофондидай бо изо накашда ин хабарро нашрдода аст..

Ҷавоб диҳед Иқтибос Шикоят

shifo

Кори хуб.Шумо танхо кору фаъолияти худро бас накунед. Хамеша бошед.

Ҷавоб диҳед Иқтибос Шикоят

Эзоҳ илова кунед