04 июн 2015 14:49Тоҷикистон / Сиёсат / Тема дня

Нигаронии Сафорати Амрико аз масдуд шудани сомонаҳои интернетӣ

Сафорати Иёлоти муттаҳидаи Амрико дар Тоҷикистон бо нашри як изҳорот аз масдудияти шабакаи иҷтимоии Фейсбук, сомонаҳои “Радиои Озодӣ”, “Азия Плюс” ва дигар сомонаҳои иттилоотӣ нигаронӣ кардааст.

Дар изҳороти сафорат гуфта мешавад, Амрико боварӣ дорад, ки ҳуқуқи ҳар шахс дар озодона иброз намудани фикри худ, хоҳ дар майдони оммавӣ ва хоҳ дар шабакаи интернетӣ, умумибашарист: “Иёлоти Муттаҳида мунтазам озодии сухан, васоити ахбори омма ва ҳуқуқи хабарнигоронро барои фаъолият кардан бидуни тарс, сензура ва таъқиботи сиёсӣ дастгирӣ менамоянд. Сафорати ИМА баҳри мусоидат ба рушди воситаҳои ахбори оммаи озоду мустақил бо Ҳукумати Тоҷикистон, созмонҳои ғайриҳукуматӣ ва аъзоёни воситаҳои ахбори омма ҳамкорӣ дорад. Мо Ҳукумати Тоҷикистонро даъват мекунем, ки маҳдудиятро аз шабакаи Фейсбук, сомонаи Радиои Озодӣ, Азия Плюс ва дигар сомонаҳои ахборотӣ ва иҷтимоӣ бардорад”.

Шабакаи иҷтимоии Фейсбук ва бархе аз сомонаҳои хабарӣ баъд аз пахши наворе дар бораи ба гуруҳи террористии мавсум ба “Давлати исломӣ” пайвастани Гулмурод Ҳалимов, фармондеҳи пешини “ОМОН”-и Тоҷикистон дастнорас шуданд.

Мӯҳр

Хабарҳои монанд:

Собир, аммо бозор не

Таваччух кунед, сафорати ИМА танхо расона ва шабакахои ичтимоиеро ном бурдааст, ки ба онхо наздики дорад. Чаро масалан аз Одноклассники, ки он хам масдуд шудааст, ном набурдааст? Е онро шабакаи ичтимои хисоб намекунад?

Ҷавоб диҳед Иқтибос Шикоят

Амри

Бо ин сомонахое, ки ИМА ном бурдааст, якчанд давлатхоро ноором сохтааст. Акнун, ки хукумати Точикистон хатари ин сомонахоро ба амнияти давлат эхсос карда онхоро баст, ИМА тез сар бардошт, чунки ба хадафи нопоки худ нарасида истодааст.

Ҷавоб диҳед Иқтибос Шикоят

Барзу

Амри,
Махсуми Амри, Ба хукумати Точикистон расонед, ки бо ин усули бобои дигар кор бурда намешавад. Асри 21 - асри техноложи аст. ИМА фазои васеи иттилооти дорад ва бо он Точикистон ракобат карда наметавонад. Ии икдоми макомоти хукумати танхо хизмати хирсона ба давлат аст ва норасоии донишу сохибкасбии кормандони давлатиро нишон медихад. Хама тавассути прокси сайтхо кораша буд кадос...

Ҷавоб диҳед Иқтибос Шикоят

носкаш

демократия болодай...

Ҷавоб диҳед Иқтибос Шикоят

Эзоҳ илова кунед