Хатлон: Боздошти се мансабдор бо иттиҳоми тасарруфи 1,2 миллион сомонӣ
Оҷонсии мубориза бо фасоди Тоҷикистон аз боздошти се мансабдор дар вилояти Хатлон хабар медиҳад, ки дар тасарруфи беш аз 1,2 миллион сомонӣ муттаҳам мешаванд.
Ба иттилои манбаъ, Одинаев Ҷумахон Сафарович, сармуҳосиб, Асроров Сайдхӯҷа Порсолович, хазиначии беморхонаи вилоятии шаҳри Кӯлоб ва Мирзокаримов Маҳмуд Пирҷонович, мутахассиси Шӯъбаи хазинадории Раёсати молияи вилояти Хатлон дар минтақаи Кӯлоб кор карда, ба тасарруфи молу мулки давлатӣ ва сохтакории хизматӣ даст задаанд. Оҷонсӣ мегӯяд, ин 3 нафар, “бо маслиҳати пешакӣ, дар давоми солҳои 2013-2015 аз ҳисоби даромади маблағҳои хизматрасонии пулакӣ ба воситаи сохтакорона тартиб додани расидҳои бонкӣ аз ҳисоби буҷет ба номи хазинаи Беморхонаи вилояти, №2 шаҳри Кӯлоб, дар 211 ҳолат маблағи як миллиону 240 ҳазору 500 сомониро гирифта азони худ намуда, ба манфияти шахсияшон сарф намудаанд, ки дар натиҷаи бо ин амалҳояшон ба буҷаи давлат бо миқдори махсусан калон зарар расонидаанд”.
Ба иттилои Оҷонсӣ, дар пайи як амалиёт ин миқдор маблағ аз гумонбаршудаҳо ҳамчун далели шайъӣ гирифта шудааст: “Нисбати Одинаев Ҷ.С., Асроров С. П. ва Мирзокаримов М. П. бо моддаҳои 245 қисми 4 банди “б” ва 323 КҶ Ҷумҳурии Тоҷикистон парвандаи ҷиноятӣ оғоз карда шуда, айни ҳол тафтишоти парвандаи ҷиноятии мазкур идома дошта, сабабу шароитҳои содир гаштани ин ҷинояти мазкур муайян карда шуда истодааст”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |