Русский  >>  فارسی  >>  Чоршанбе 29 март 2017, 03:33

Муоинаи тиббии домоду арӯс қабл аз издивоҷ ройгон хоҳад буд

13 январ 2016, 10:29

Вакилони Маҷлиси намояндагони Тоҷикистон лоиҳаи тағйру иловаҳо ба Кодекси оиларо, ки муоинаи тибии пеш аз издивоҷи ҷавононро пешбинӣ кардааст, қабул карданд.

Шукурҷон Зуҳуров, раиси палатаи поёнии парлумон имрӯз, 13 январ зимни баррасии ин лоиҳа гуфт, амалишавии муоинаи тиббӣ қабл аз издивоҷ моҳи июли соли равон дар назар аст. Ӯ гуфт, бе ҳуҷҷати тасдиқкунандаи анҷоми муоинаи тиббӣ ақди никоҳи ҷавонон сабт нахоҳад шуд. Нусратулло Салимзода, вазири тандурустӣ ва ҳифзи иҷтимоии аҳолӣ ҳангоми муаррифии лоиҳа изҳор дошт, муоина ройгон буда, онҳо талош мекунанд, ҳангоми анҷоми он аз ҷониби мутахассисон саҳлангорӣ сурат нагирад.

Лоиҳаи тағйру иловаҳо ба Кодекси оила 27 ноябри соли 2015 дар ҷаласаи ҳукумат, ки таҳти раёсати Эмомалӣ Раҳмон баргузор шуд, тасдиқ ва барои баррасӣ ба Маҷлиси намояндагон пешниҳод гардида буд.

Масъалаи аз муоинаи тиббӣ гузаштани навхонадоронро Эмомалӣ Раҳмон, раисиҷумҳури кишвар дар паёми солона ба парлумон ба миён гузошта шуда буд. Он замон президент ба ниҳодҳои масъул дастур дод, то пешниҳодҳои дахлдорро ба ҳукумат ироа кунанд.

Махфират Хидирзода, раиси Кумитаи кор бо занон ва оилаи Тоҷикистон ҳам қаблан изҳор дошта буд, ки ташхиси қабл аз никоҳ метавонад ба коҳиши ҳолатҳои ҷудошавии оилаҳои ҷавон мусоидат кунад.


Шарҳи худро бинависед:

Ном:*
E-Mail:
Матни шарҳ:
Посух додан
  • 8

  • 13 январ 2016 12:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз дехахои дурдаст чи хел омада аз камисия мезгаранд ачоиб е ки касалихои гузаранда аз хад гузаштааст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз ин бармеояд,ки кормандони техникии сомонаи Озодагон лаганбардоранд чунки фикрхои моро чоп намекунанд. Бехтараш ин озодагон нею асирони дар кафасбуда номгузори кунед.

Аз ин бармеояд,ки кормандони техникии сомонаи Озодагон лаганбардоранд чунки фикрхои моро чоп намекунанд. Бехтараш ин озодагон нею асирони дар кафасбуда номгузори кунед.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!