Русский  >>  فارسی  >>  Сешанбе 6 декабр 2016, 22:57

11-11-11: Ҳукумати Миср тамошои аҳромҳоро манъ кард

11 ноябр 2011, 12:04

Ҳукуматдорони Миср воридшавии сайёҳон ба тамошогоҳи аҳромҳои бузургро рӯзи панҷшанбе, ки чун «Рӯзи рақамҳои ҷодӯӣ» ҳисобида мешавад, манъ карданд.


Рӯзи рақамҳои ҷодӯӣ чунин аст, ки ҳангоми ҳисоб аз ду тараф, яъне пасу пеш ҳисоби якхела дорад. Ҷумъаи моҳи ноябри соли 2011 чунин рӯзе будааст.  Дар ин рӯз сокинони сайёраи замин як лаҳзаеро аз сар мегузаронанд, ки тамоми рақамҳо аз «1» иборат аст ва дар маҷмӯъ 12 рақами 1 ба ҳам меоянд, ки ин ҳолат дар навбати дигар танҳо баъд аз сад сол як маротиба такрор мешавад. Масалан, соати 11, дақиқаи 11, сонияи 11,  рӯзи 11-ум ва моҳи 11-уми соли 2011.

Муҳофизони осори бостонии Миср далели баста шудани дарвозаи бинои аҳромро мушаххасан шарҳ надодаанд ва яке аз сабаби онро ҳифзи осори таърихӣ дар арафаи баргузории иди Қурбон маънидод кардаанд. Аммо ба иттилои расонаҳои хориҷӣ ҳукуматдорони Миср тариқи интернет аз мақсади баъзе гурӯҳҳое мисли масеҳиёну яҳудиҳо, ки мехостаанд, дар дохили яке аз аҳромҳои қадима дар рӯзи рақамҳои ҷодӯӣ дар пояи аҳром «Рӯзи шайтон»-ро ҷашн гиранд, бохабар шуда, барои оромии вазъ чунин тасмим гирифтаанд. Ин тасмим ба хотири пешгирӣ аз даргириҳои мазҳабӣ миёни намояндагони гурӯҳҳои динӣ дар дохили аҳром гирифта шудааст.

Ин иқдоми ҳукуматдорони Миср дар ҳолест, ки бисёре аз мардуми ҷаҳон истиқболи ин рӯзро беқаророна интизор буданд ва бо шукӯҳу шаҳомати хоса ҷашн мегиранд. Дар Маскав дар ин рӯз дилбастагони зиёде барои бастани ақди никоҳ омодагӣ мегиранд. Онҳо барои баргузории туйи арусӣ ба хиёбонҳо мебароянд. Дар шаҳри Лас-Вегаси Амрико ба хотири баргузории тӯйи арӯсӣ дилбастагон аз меъёри муқаррарӣ 3 баробар зиёд ба хиёбонҳо мебароянд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!