21 ноя 2016 10:20Тоҷикистон / Иқтисодӣ

Ҳисобкунаки обӣ: Барои одамон ва чорво

Муъминобод яке аз нахустин ноҳияиҳои минтақаи Кӯлоби вилояти Хатлон аст, ки ба ҳисобкунаки обӣ гузаштааст.

Масъулини ноҳия мегӯянд, ҳоло 1673 сокини Муъминобод ҳисобкунакҳои обӣ доранд. Ҷуъмахон Сафарзода, раҳбари дастгоҳи раиси ноҳияи Муъминобод дар суҳбат ба “Озодагон” гуфт, давоми як соли ахир бештар аз 17 деҳа ва маҳаллаҳо ба ҳисобкунакҳои обӣ пайваст шудаанд: “Мардум худашон таҷҳизоти лозимро аз бозор харида, барои насби он ба идораи об муроҷиат менамоянд. Умедворем, ки то як соли дигар тамоми мардуми ноҳия ба ин системаи нави хизматрасонӣ мегузарад”.

Масъулини ноҳия мегӯянд, як ҳисобкунаки обӣ 35 сомонӣ арзиш дорад.

Гулҷаҳон Табарова, як сокини 29-солаи рустои Деҳлолои ҷамоати Н.Назаров гуфт, дар гузашта онҳо обро аз ҳамсоядеҳаашон, ки дар масофаи 3 километр ҷойгир аст, мекашонданд: “Ҳоло об дар назди манзили худамон аст. Бо соат обро мегирем ва бояд онро сарфакорона истифода намоем”.

Дар деҳаи Деҳлоло насби ҳисобкунаки обиро ҳатто барои чорво таҷриба карданианд. Амрохон Иброҳимов, раҳбари Ассосиатсияи истифодабарандагони оби нушокии "Деҳлоло-2" мегӯяд, монанди оби ошомиданӣ деҳаи онҳо дар пайдо кардани об барои чорво низ мушкил дошт: “Дар қишлоқи ҳамсоя як ҳавз буд, ки чорвои мардум аз он ҷо об менушид. Бисёр ҳолатҳо ин норизогии мардуми он деҳаро ба бор меовард. Билохира тасмим гирифтем, ки барои чорвои деҳаамон ҳам об биёрем. Рӯзҳои наздик баъди васл кардани ҳисобкунаки обӣ обро ба чорво хоҳем дод”.

Ӯ афзуд, агар барои аҳолӣ як метри мукааб об як сомониро ташкил бидиҳад, барои чорво як метри мукааб об 50 дирам арзиш хоҳад дошт: “Агар ин таҷриба амалӣ шавад, маблағи ҷамъоваришуда ба хазинаи ассотсиатсия гузаронда мешавад”.

Мӯҳр

Хабарҳои монанд:

Шахрванд аз Душанбе

Дар нохияи Фархор хам наздик ба як сол аст, ки хисобкунакхои оби насб шудаанд.

Ҷавоб диҳед Иқтибос Шикоят

Али фархор

Факат хисобкунак барои хавои тоза насб кунанд баьд хушбахттарин миллат мешавем. Вой бар холи миллати мазлуми точик

Ҷавоб диҳед Иқтибос Шикоят

Кухистони

Мо дар деха дар хавлинхоямон чох меканем ва об мебарорем. Ба хаминхохам хисобкунак мегузоранд?

Ҷавоб диҳед Иқтибос Шикоят

Nomdor

Дар нохияи Дангара 5 сол пеш хисобкунакхои обро насб карда буданд. Баъди насби хисобкунакхо водапрводхои кучахоро махкам карданд. Чунки хеч кас пули оби истифодашуда аз ин водапроводхоро намедихад. Дигар дар роххо ягон водапровод нест. Об намеёби дар кучахо. Хамон пештарааш хуб буд ки чанд метр пас об буд дар кучахо... Раиси нохия аз барои савоб дар кучахо водапроводхоро аз сари нав кушоед! Як одами ташна об нушад савобаш ба шумо хам мерасад.

Ҷавоб диҳед Иқтибос Шикоят

чалолид ни чабор

ман хайрон ба ин раиси дастгох ин мардум ба и дарача поквичдон шудаст ки худаш хисобкунак харида пули об месупоридаст дар холе ки дар ун кишлок мохашба 35 сомон даромад надоранд илтимос чоп кунед

Ҷавоб диҳед Иқтибос Шикоят

Душанбе

Nomdor,
Дар Дангара вазъият чунин бошад вой бар холи нохияхои дигар. Намешавад, ки дар раисхо хисобкунанки пули насб кунанд, шояд пулгумшави дар БУЧА кам шавад. ОЗОДАГОН чоп бикун. ба сомонаи шумо ба азобхо медароем.

Ҷавоб диҳед Иқтибос Шикоят

Эзоҳ илова кунед