Русский  >>  فارسی  >>  Ҷумъа 9 декабр 2016, 01:03

ИМА, Чин ва Ҳиндустон аз ҳама бештар муҳити зистро олуда месозанд

7 декабр 2011, 06:17

Кони Ҳодгард, комиссар оид ба умури муҳити зисти Иттиҳодияи Аврупо мегӯяд, агар кишварҳои бузурги олудакунандаи ҳаво ва экология дар паймони ҷаҳонии коҳиши газҳои гулхонагӣ ширкат накунанд, назорати фароянди гармии замин то соли 2050 ба мушкил мувоҷҳ хоҳад шуд.


Номбурда аснои сӯҳбат бо расонаҳои хориҷӣ гуфтааст, фишори аслӣ дар заминаи коҳиши тавлиди газҳои гулхонаӣ бояд мутаваҷҷеҳи се кишвар: ИМА, Хитой ва Ҳиндустон шаванд, зеро саҳми аслӣ дар тавлиди газҳои гулхонаиро маҳз ҳамин се давлат доранд.

Манбаъ афзудааст, ин нуктаро Ҳодгард зимни суханрониаш дар ҳошияи нишасти СММ дар шаҳри Дурбани Африқои Ҷанубӣ иброз доштааст. Бино ба қавли ӯ, дар сурати нарасидан ба тавофуқе дар ин маврид, фароянди гармоиши сайёраи Замин ҳамчунон идома хоҳад ёфт ва умедҳо барои коҳиши дудараҷаии гармои Замин то соли 2050 ба натиҷа нахоҳад расид.

Маврид ба тазаккур аст, ки қабл аз ин Пан Ги Мун, дабири кулли Созмони Милали Муттаҳид ҳам таъкид карда буд, ки гармоиши сайёраи Замин ҷони миллионҳо нафар одамро дар сайёраи Замин ба хатар андохта, хавфи нобудии комили бархе аз ақвоми дунё ба миён омадааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!